लञ्च कटौति गरेको प्रति चिकित्सकको आपत्ति

धरान/ अस्पतालले बर्षौदेखि उपलब्ध गराएको सुविधा कटौति गरेको भन्दै धरानस्थित बीपी कोइराला स्वास्थ्य विज्ञान प्रतिष्ठानका चिकित्सकहरुले अस्पताल निर्देशकलाई ध्यानाकर्षण गराएका छन् ।
प्रतिष्ठानको चिकित्सा तथा दन्त चिकित्सा शिक्षक कल्याण समाजले अस्पतालले ओटी काम गर्दा बर्षौदेखि उपलब्ध गराउदै आएको खाजा खर्च कटौती गरेकोमा आपत्ति जनाउँदै ध्यानाकर्षण पत्र बुझाएको हो ।
समाजका अध्यक्ष डा. अरुणकुमार सिह र उपाध्यक्ष डा. लोकेसकुमार जैसवालद्वारा हस्ताक्षरित पत्र प्रतिष्ठानका अस्पताल निर्देशक प्रा.डा. गौरी शंकर साहलाई बुझाएका छन् ।
पत्रमा अस्पतालले बर्षौदेखि उपलब्ध गराउदै आएको लञ्चको सुविधा खर्च कटौतिको नाममा उचित व्यवस्थापन नगरिकन दुरासाय तरिकाले बन्द गरेकोले ओटीमा कार्यरत चिकित्सक तथा स्टाफहरु प्रत्यक्ष रुपमा मारमा परेको उल्लेख गरेका छन् । उनीहरुले खानेपानीको समस्या हुँदा ओटी सञ्चालन गर्न कठिनाई भएको समेत जनाएका छन् । समाजले पहिलाकै जस्तै खाजा खर्चलाई निरन्तता दिदै सम्बन्धित पक्षसँग छलफल गरेर विकल्प खोज्नुपर्ने सुझाव पत्रमा दिएका छन् ।