_1693980289.gif "#")
धरान । वर्षेनी स्थापना दिवसको अवसरमा रक्तदान कार्यक्रम गर्दै आएको धरान स्थित बराह ग्रुपले संस्थापक अध्यक्ष तथा परिकल्पनाकार स्व. इन्द्र लामिछानेको जन्म दिवसको अवसरमा रक्तदान कार्यक्रम सम्पन्न गरेको छ ।
ग्रुपले वर्षेनी भदौ ५ गते संस्थाको स्थापना दिवसको अवसरमा रक्तदान कार्यक्रम गर्दै आएको थियो । तर पछिल्लो कोरोना संक्रमणको जोखिमका कारण दुई वर्ष कार्यक्रम गर्न सकेको थिएन् । यस वर्ष पनि भदौ ५ गते जोखिमनै रहेकाले बुधबार असोज १४ गते संस्थापक अध्यक्ष स्व. विश्वकर्माको जन्मदिवसको अवसर पारेर रक्तदान गरेको हो । यस अवसरमा बराहले प्रत्येक महिना रक्तदान कार्यक्रम संचालन गर्ने जनाएको छ ।
धरानलाई रक्तदाताको शहर भनेर चिनाउन बराहले महत्वपुर्ण भुमिका खेलेको छ । प्रदेश एकमै सबै भन्दा धेरै रगत संकलन गर्ने संस्थाको रुपमा पनि परिचित छ । धरानको पहिचानलाई कायमै राख्न प्रत्येक महिना रक्तदान कार्यक्रम आयोजना गरिने ग्रुपका अध्यक्ष शिव लामिछानेले बताए । ग्रुप अन्तर्गतका २५ वटै शाखाहरुमा एकै दिन रक्तदान कार्यक्रम गरिनेछ ।
बुधबार आयोजना गरिएको रक्तदान कार्यक्रममा १ सय ४ पिन्ट रगत संकलन भएको छ । नेपाल रेडक्रस सोसाइटी सुनसरीको प्राविधिक सहयोगमा धरान ८ स्थित बराह गु्रपको नयाँ कम्प्लेक्समा रक्तदान कार्यक्रम आयोजना गरिएको थियो ।
संक्रमण्ले आयोजना गरेको रक्तदान कार्यक्रममा १०४ पिन्ट रगत सङ्कलन भएको छ । बराह ग्रुपका परिकल्पनाकार तथा संस्थापक अध्यक्ष इन्द्र लामिछाने बिश्वकर्माको ६४ औ जन्म दिवसको अवसरमा रक्तदान कार्यक्रको आयोजना गरिएको हो । रक्तदानमा बराहकै कर्मचारी, ग्राहक, स्थानीयले रगत दान गरेका थिए ।
