_1693980289.gif "#")
धरान/ धरान उपमहानगरपालिका वडा नं. ११ को आधारभुत स्वास्थ्य चौकी भवनको शनिवार उद्घाटन गरिएको छ ।
उपमहानगरपालिकाका प्रमुख तिलक राईले सुनौलो मार्गमा निर्माण गरिएको आधारभूत स्वास्थ्य चौकी भवनको उद्घाटन गरेका हुन् । उक्त स्वास्थ्य चौकी भवन दिपादिल कन्ट्रक्सनले ४३ लाख ६२ हजारको लागतमा निर्माण भएको हो ।
उद्घाटनपश्चात बोल्दै मेयर राईले धरानबासीहरुले सामान्य रोगको उपचारबाट बञ्चित भई आफ्नो ज्यान गुमाउनु नपरोस् भन्ने उद्देश्यले आधारभूत स्वास्थ्य चौकी भवन स्थापना गरिएको बताउनुभयो । मेयर राईले भवनलाई विस्तारै बढाउँदै लगेर प्रसुति गृह लगायत सञ्चालन गरिने बताए । उपमेयर मञ्जु भण्डारीले नगरपालिकाले स्वास्थ्य चौकी भवन बनाईदिएको, कर्मचारी खटाउने बताउँदै यसको संरक्षण गर्ने जिम्मेवारी नागरिकको भएको बताए ।
कार्यक्रममा वडाध्यक्ष बाबुलाल लामा, उपमहानगरपालिकाका स्वास्थ्य महाशाखा प्रमुख उमेश मेहता, बरिष्ठ ईञ्जिनियर सुरज श्रेष्ठ लगायतले सम्बोधन गरेका थिए ।
