इटहरी/ सडकमा बेवारिसे, अनाथ र अशक्त ज्येष्ठ नागरिकहरूको संरक्षण गर्दै आएको इटहरी स्थित माया घर नेपाल अन्ततः एक महिना पछि कोरोना संक्रमणबाट मुक्त बनेको छ ।
दोस्रो लहरको नयाँ भेरियन्ट सहित माया घरका ४१ जनामा कोरोना संक्रमण पुष्टि भएको थियो ।
गत असार २९ मा ५० जनाको स्वाब परिक्षण गर्दा ४५ जनामा कोरोना पोजेटिभ देखिएको हो । कुल ८२ जनालाइ संरक्षण गर्दै आएको माया घर देशनै कोरोनाबाट ग्रस्त बनेपछि शुरूवाती समयमा दैनिकि गुजार्न निकै कठिन परेको संस्थाकी प्रतिनिधि पार्वति भट्टराईले बताइन ।
इटहरीमा रहेका सामाजिक संस्था तथा अभिभावक उपमहानगर तथा स्वास्थ्यकर्मीहरूको निरन्तर साथ, सहयोग र हौसलाले एक महिना पछि माया घर कोरोनाबाट मुक्त बनेको भट्टराइले बताइन । सामान्य रूघा खोकि र ज्वोरोको समस्या देखिएपछि आश्रितलाई इटहरीकी उपमेयर लक्ष्मी गौतमको पहलमा कोरोना टेस्ट गरिएको थियो ।
स्वाव परिक्षणबाट ३२ जना र बिना लक्षणका १३ जनामा कोरोना पोजेटिभ देखिएको थियो । अब माया घर नेपाल खतरामुक्त रहेको छ । विभिन्न संघसंस्थाको सहयोगबाट सञ्चालन हुदै आएको माया घरमा अहिले पनि भने जस्तो औषधि उपचार हुन नसकिरहेका बुझिएको छ ।
माया घरमा आश्रित अधिकांस मानसिक रोगि रहेकोले उनिहरूको लालन पालन र संरक्षण गर्न पनि समस्या भइरहेको यता कोरोना पोजेटिभ देखिएकै समय देखि इटहरी अस्पतालले बिरामिहरूको दैनिक अवस्थाबारे मोनिटरिङ गर्दै आवश्यकिय औषधि उपचार उपलब्ध गराउदै आएको र अहिले पनि नियमित स्वास्थ्य चेकजाँच अनुसार औषधिहरू उपलब्ध गराउदै आएको नगर अस्पताल अन्तरगत इमरजेन्सी शाखाका प्रमुख रामकुमार धमलाले बताए ।