मेरिल्याण्ड कलेज देशभरमै ‘टप सेभेन’

  • श्रावण २९, २०७८
  • कोशीपत्र/संवाददाता
alt

विराटनगर/ विराटनगरको मेरिल्याण्ड कलेज देशभरमै उत्कृष्ट ७ मा पर्न सफल भएको छ । दुई दशक अघिबाट शिक्षा क्षेत्रमा योगदान दिंदै आएको रङ्गेली रोडस्थित कलेज तत्कालीन उच्च माध्यमिक शिक्षा परिषद् र हालको राष्ट्रिय परीक्षा बोर्डले लिने परीक्षामा हासिल गरेको शैक्षिक परिणाम, शैक्षिक संस्थाले पूर्वाधारमा गरेको लगानी, पछिल्ला केही वर्षयता ‘एजुकेसन समाचार’ नामक सञ्चार माध्यमले गरेको अध्ययन र अनुसन्धानको नतिजाको आधारमा देशभरका उत्कृष्ट कलेजहरुको सूचीमा सातौ नम्बरमा पर्न सफल भएको हो ।

केही दिन अगाडि पनि केन्द्रबिन्दु नाम संचार माध्यमले गरेको सर्वेक्षणमा मेरिल्याण्ड देरभरकै वेष्ट १० प्लस टु को सूचिमा परेको थियो । ‘हामीले नजिकबाट गरेको अध्ययन र अनुसन्धान, राम्रो ‘प्लस टु’ बन्न शिक्षण संस्थाले गरेको मेहनत, शिक्षण संस्थाबाट उत्पादित विद्यार्थीको ‘प्लेसमेन्ट,’ अध्ययन पूरा गरेका र अध्ययनरत विद्यार्थीको अनुभव, डिजिटल प्लेटफर्ममा कलेजको उपस्थितिलगायत मापदण्डका आधारमा राम्रा ‘प्लस टु’ छनोट गरिएको हो,’ उक्त सञ्चार माध्यमले भनेको छ ।

मेरिल्याण्ड गुणस्तरीय शिक्षा प्रदान गर्दै अभिभावक र विद्यार्थीको मन जित्न सफल छ । व्यवस्थापन संकाय मात्र पठनपाठन हुने यो कलेजमा स्थापना कालेदेखि प्लस टु कक्षा सञ्चालन गरेको थियो ।

दक्ष, एवं योग्य शिक्षकहरूबाट व्यवस्थापन संकायमात्र पठनपाठन हुने एक मात्र कलेज मेरिल्याण्ड प्रत्येक वर्ष उत्कृष्ट नतिजा ल्याउन सफल छ । प्रदेश राजधानी शैक्षिक हबको रुपमा विकास भएको परिप्रेक्ष्यमा मेरिल्याण्डको सफलता र शैक्षिक क्षेत्रमा हरेक वर्ष योगदान बढ्दो देखिएको छ ।

२०७५ सालमा मेरिल्याण्ड कलेजका छात्राद्वय पूजा शाह र निशा पोखरेलले समान ३ दशमबल ९२ जिपिए अर्थात् नेपालमै सबैभन्दा बढी नम्बर ल्याउन सफल भएका थिए । ‘उच्च शैक्षिक वातावरण रहेको र विद्यार्थीलाई करिअर डेभलपमेन्ट अपरचुनिटीको प्रचुर सम्भावना रहेको यो कलेज हाल पनि काठमाडौं बाहिरका २ कलेजमध्येमा पर्दछ,’ कलेजका प्राचार्य लक्ष्मण ढकालले भने, ‘दक्ष, अनुभवी र सँधै माया र हौसला दिने शिक्षकहरु रहनु पनि यो कलेजको सफलता सूत्र हो । ’

अहिले पनि मेरिल्याण्डबाट पास भएका विद्यार्थीहरु देश विदेशमा नाम राख्न सफल देखिएका छन् । कलेजले विद्यार्थीलाई नियमित मूल्यांकन गरी वर्षैभरि विशेष कोचिङको व्यवस्था गर्ने कलेजमा शतप्रतिशतसम्म छात्रवृत्तीको पनि व्यवस्था गर्दै आएको छ ।

प्राचार्य ढकालका अनुसार कलेजले हरेक वर्ष रु. ६० लाख बराबरको छात्रवृत्ति उपलब्ध गराउने गरेको छ । प्रदेश नं १ को पूर्व मेचीदेखि २ नम्बर प्रदेशको जनकपुर, सिरहा, सप्तरीका विद्यार्थीको रोजाईमा पनि मेरिल्याण्ड पर्ने गरेको छ । प्राचार्य ढकाल भन्छन्, “गरिब र जेहेन्दार विद्यार्थीका लागि हामीले शत प्रतिशतसम्म छात्रवृत्ती उपलब्ध गराई रहेका छौं, अतिरिक्त क्रियाकलापलाई पनि ध्यान
दिएका छौं ।”

स्वास्थ्यप्रति सचेत ...

पछिल्ला केही वर्षयता संसारभरि नै नयाँ–नयाँ महामार ...

पहाडी जिल्लामा पनि भ ...

संखुवासभा / प्रायः जसो लामखुट्टेको टोकाइबाट हुने डेंगुक ...

मेची नगरद्वारा नदीजन ...

झापा । झापाको मेचीनगर नगरपालिकाले नदीजन्य पदार्थ उत्खनन ...

प्रहरीलाई टिकटकलगायत ...

ओखलढुंगा/ जिल्लामा प्रहरीले टिकटकलगायत मनोरञ्जनका एप चल ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: दिनेश गजमेर / प्रबन्ध निर्देशक: योगेशबाबु काफ्ले

Copyright © 2019 / 2021 - Koshipatra.com All rights reserved