_1693980289.gif "#")
धरान/ गायिका उर्मिला राईको स्वरको रहेको ‘फूल होस् त्यहाँ’ बोलको गीतको म्युजिक भिडियो आज आईतबार सार्वजनिक भएको छ।
धरान ५ स्थीत फेमेली भिन्टेजमा आयोजित कार्यक्रममा नेपाल पत्रकार महासंघ सुनसरीका अध्यक्ष जनकऋषि राईद्वारा उक्त भिडियो सार्वजनिक गरिएको हो।
गायिका उर्मिला राईको पन्ध्रौं गीतको रुपमा रहेको उक्त गीतको रचना तथा संगीत हेम विश्वकर्मा, संगीत संयोजन हेम सुब्बा तथा म्युजिक भिडियोको छायांकन शीरकुमार साम्पाङ राई र निर्देशन राजन क्षेत्रीले गरेको हो। यसैगरी भिडियोमा मोडल करिश्मा क्षेत्रीले अभिनय गरेकी छन्।
सुनसरीको विभिन्न रमणीय पर्यटकिय स्थलहरुमा छायांकन गरि दुई लाखको लागतमा भिडियो निर्माण गरिएको गायिका राईले बताइन् ।
