_1693980289.gif "#")
धरान । बिगत २० दिन देखि आन्दोलनरत वीपी कोइराला स्वास्थ्य विज्ञान प्रतिष्ठान धरानका चिकित्सक, विद्यार्थी एवं कर्मचारीहरुले वृहत विरोध र्याली प्रदर्शन गरेका छन् ।
प्रतिस्ठान सुधारको माग गर्दै आन्दोलनमा रहेको संयुक्त संघर्ष समितिको आह्वानमा आज बिहान निकालिएको बृहत बिरोध र्यालीमा चिकित्सक, विद्यार्थी, कर्मचारीको उपस्थिती रहेको थियो ।
उपकुलपति कार्यालयमा शुरु भएको र्याली प्रतिष्ठानको मुल गेट, बुद्ध चोक हुँदै भानुचोक बाट पुनः उपकुलपति कार्यलय अघि सभामा परिणत भएको थियो ।
संघर्ष समितिले चारै पदाधिकारीहरुको राजिनामा माग गर्दै उनीहरुको कार्यकक्षमा तालाबन्दी गरिसकेको छ भने प्रधानमन्त्री तथा स्वास्थ्यमन्त्रीले गठन गरेको समितिसँग मात्र वार्ता गर्ने घोषणा गरेको छ ।
एक साताभित्र पनि माग पुरा नगरे सामुहिक राजिनामा दिने र प्रधानमन्त्री कार्यालय घेराउ गर्न काठमाण्डौं जाने संघर्ष समितिले जनाएको छ ।
