_1693980289.gif "#")
इलाम/ माई नगरपालिकाले आगामी आर्थिक वर्ष ०७८÷०७९ का लागि कूल ६७ करोड ३४ लाख ३० हजार रुपियाँको बजेट ल्याएको छ । नगरपालिकाले शिक्षा, स्वास्थ्य र पूर्वाधारलाई प्राथमिकतामा राखेर बजेट विनियोजन गरेको छ ।
शिक्षाका लागि १ करोड ९० लाख रुपियाँ, स्वास्थ्यमा १ करोड ५६ लाख ६० हजार रुपियाँ र पूर्वाधारमा १ करोड ४० लाख बजेट विनियोजन गरेको हो । यस्तै महिला तथा बालबालिका शिर्षकमा ५५ लाख, खानेपानी तथा सरसफाइका लागि ३४ लाख, संस्कृति पर्यटनका लागि ७५ लाख, सुचना प्रविधिमा ३४ लाख, र विशेष कोष व्यवस्थापनमा १ करोड ९० लाख रुपियाँ बजेट विनियोजन भएको छ ।
आगामी आर्थिक वर्षका लागि आय तर्फ वित्तिय समानिकरण अनुदानमा १३ करोड २ लाख ९४ हजार, आन्तरिक आय तर्फ अनुमानित ४ करोड, समपुरक अनुदान प्रदेश र संघ मार्फत २ करोड १२ लाख, ससर्त अनुदान २६ करोड १७ लाख ६६ हजार, विशेष अनुदान २ करोड १६ लाख रुपियाँ अनुमान गरिएको छ ।
