छिमेकीको कुटाईबाट मानसिक संन्तुलन गुमाएकी गर्भवती महिलालाई धरान महिला संजालको सहयोग

धरान । छिमेकीको कुटाईबाट मानसिक संन्तुलन गुमाएकी ३ महिने गर्भवती महिलालाई महिला संजाल धरानले औषधी सहित नगद सहयोग गरेको छ ।

संजालको पहलमा बिर्तामोड मेडिकल हलले १० हजार रुपैया बराबरको औषधी निशुल्क उपलब्ध गराउने भएको छ भने अध्यक्ष चेतना श्रेङले ५ हजार रुपैया आर्थिक सहयोग गरेकी छिन् । थप उपचारका लागि पनि सहयोगहरु उपलब्ध गराउने तथा पिडकलाई कारवाहीका लागि थप अभियान संचालन गरिने बताइन् ।

विगत १५ दिन देखि धरान स्थित वीपी कोइराला स्वास्थ्य विज्ञान प्रतिष्ठानको मानसिक विभागमा उपचार गराइरहेकी कानेपोखरी गाउँपालिका ५ चिसाङबस्तीकी शोभा दर्जीको उपचारमा आर्थिक अभाव हुन थालेको समाचार आए पछि संजालकी अध्यक्ष श्रेङले औषधीको निशुल्क उपलब्ध गराउन पहल गरेकी थिईन् ।

बिर्तामोड मेडिकलले अहिले १० हजार मुल्य बराबरको निशुल्क औषधीको दिए पनि आवश्यक्ता अनुसार थप सहयोग गर्ने हलका संचालन एन.के. देवले बताए ।

कानेपोखरीको चिसाङ खोलामा गिटि कुटेर जिविकोपार्जन गर्ने उनको परिवारको आर्थिक अवश्था कमजोर रहेकाले थप उपचारमा कठिनाई बढ्दै गएको छ । गाँउमा रिण पान गरेर खर्च गर्दै आए पनि अहिले समस्या थपिदै गएको आमा देवी दर्जीले बताईन् ।

सिम चोरी गरेको आरोपमा दर्जीलाइ छिमेकी बिन्दा मगर र पुष्पा मगरले गत वैशाख ३० गते कुटपिट गरेका थिए । अहिले उनी पुर्ण रुपमा मानसिक संन्तुलन गुमाएको अवश्थामा छिन् ।

पिडकहरु विरुद्ध जाहेरी दिए पनि प्रहरीले उनीहरुलाई पक्राउ गरेको छैन् । पिडक पक्षले गाउँमै मिल्न दबाब दिइरहेका पिडित परिवारले जनाएको छ ।