हात्तीको फोटो खिच्न जाँदा आक्रमणमा परी मृत्यु

विराटनगर । मोरङमा बस्तीमा देखिएको हात्तीको तस्विर लिन खोज्दा एक जना युवकको मृत्यु भएको छ ।

मोरङको सुनवर्षी नगरपालिका – ८ स्थित हर्चनगडीमा बस्तीमा देखिएको हात्तीको तस्विर लिन खोज्दा आक्रमणका परी २० वर्षीय मनोहर मियाँको मृत्यु भएको हो । शुक्रबार बिहान ६ बजेतिर बस्तीमा हात्ती आएपछि फोटो खिच्न जाँदा मिया आक्रमणमा परेका थिए ।

इलाका प्रहरी कार्याल्य रंगेलीका अनुसार भारती क्षेत्रबाट जंगली हात्ती बिहान ५ बजे नै नेपाली भूभागतर्फ आएको थियो । प्रहरी निरिक्षक अनमोल खड्काका अनसार मियाको उपचारका क्रममा विराटनगरस्थित न्यूरो अस्पतालमा मृत्यु भएको हो ।