_1693980289.gif "#")
प्रतिकात्मक तस्वीर : गुगल
झापाः झापामा घाँटी बाँधेर एक पुरुषले आफ्नै साथीको हत्या गरेका छन् ।
मेचीनगर नगरपालिका–५ अँधेरी निवासी ४० वर्षीय भीमराज लिम्बू ९लिङ्देन०को मङ्गलबार राति हत्या भएको हो । आफ्नै साथी ५६ वर्षीय शुक्रराज लिम्बूले घाँटीमा क्र्याक ब्यान्डेजले बाँधेर हत्या गरेको खुलेको झापा प्रहरीका प्रवक्ता डिएसपी राकेश थापाले जानकारी दिए । आपसी झगडा हुँदा खुट्टामा बाँध्ने क्र्याक ब्यान्डेजले मृतकको घाँटीमा बाँधेर हत्या गरेको आरोपी शुक्रराजले प्रहरीसमक्ष स्वीकार गरेको उनको भनाइ छ ।
स्थानीय इटाभट्टा छेउमा क्र्याक ब्यान्डिजको कपडाले घाँटी बाँधिएको र मुखबाट रगत बगिरहेको अवस्थामा लिङ्देनको शव देखेपछि स्थानीयवासीले प्रहरीलाई खबर गरेका थिए । शव परीक्षणका लागि मेची अस्पताल लगिएको र घटनाको थप अनुसन्धान भइरहेको प्रहरीले जनाएको छ । (रासस
