सुनसरी । नेपाली कामदार धेरै संख्यामा रहेका देशहरुमा पुनः हवाई उडान शुरु गर्ने सरकारले निर्णय गरेको छ ।
बुधबार प्रधानमन्त्री केपी शर्मा ओलीको अध्यक्षतामा बसेको कोरोना व्यवस्थापन निर्देशक समितिको बैठकले टर्की, कतार, साउदी अरेबिया, युएई, जापान र मलेशिया लगायत धेरै नेपाली कामदारहरु भएका देशहरुमा हवाइ उडान संचालन हुने निर्णय गरेको छ ।
यी देशहरुबाट सातामा दुई हजार जना यात्रुभन्दा नबढने गरी हवाइ उडान सञ्चालन हुनेछन् ।
बैठकले वैदेशिक रोजगारीमा गएका तर विभिन्न कारणले होटलमा क्वारेन्टाइनमा बस्न नसक्ने कामदारका लागि सहयोग रकम उपलब्ध गराउने निर्णय समेत गरेको छ । १५ दिन बस्नुपर्ने क्वारेन्टाइनका लागि १० दिनसम्मको खर्च सरकारले व्यवस्थापन गर्नेछ ।
