इटहरी । सुनसरीको इटहरी ४ बगैचाटोल स्थित एक स्थानीयको घरमा डेरा गरी बस्ने अन्दाजि ३५ वर्षकी महिला सुतेकै ठाउमा बिहीबार मृत भेटिएकी छिन ।
खोटाङ घर भइ इटहरी ४ चौधरी थरका एक ब्यक्तिको घरमा डेरा बस्दै आएकी ३५ वर्षिया सुनिता राइ सुतेकै ठाउमा मृत भेटिएकी हुन ।
राति खाना खाएर सकुशल सुतेकी श्रीमति बिहान अबेर सम्म पनि नउठेपछि उठाउन पुग्दा मृत अवस्थामा फेला परेको उनका श्रीमानलाइ उदृत गर्दै इलाका प्रहरी कार्यालय इटहरीले जनाएको छ ।
राति सकुशल सुतेकी श्रीमति बिहान मृत भेटिएपछि गाउलेहरू अचम्ममा परेका छन भने केहिले हत्या आशंका समेत गरेका छन । घटनाको अवस्था हेर्दा हत्या भए जस्तो नदेखिने तर अनुसन्धान भइरहेकोले अहिले नै के हो भन्न नमिल्ने इटहरी प्रहरीले बताएको छ ।
मृत भेटिएकी महिलाको शव पोस्टमार्टमको लागि धरान स्थित बिपि प्रतिष्ठान पठाइएको इटहरी प्रहरीले जनाएको छ ।