बराहक्षेत्र । औलिया बाबा तथा छिन्नमस्ता संरक्षण मञ्च बराहक्षेत्रले दोस्रो पटक नगरको वडा नम्बर २२ बिपन्न परिबारलाई राहत स्वरुप खाद्यान्न सहयोग गरेको छ ।
कोरोना भाइरसको सक्रमणले निम्ताएको परिस्थितिले दैनिक ज्यालादारी गरेर जीवन यापन गर्ने परिवारलाई समस्या पर्न थाले पछि न्यून आय भएका परिवारलाई खाद्यान्नको सहयोग गरेको हो ।
पहिलो पटक मञ्चले मङलवार वराहक्षेत्र १ का बिभिन्न टोलका १५ परिवारलाई खाद्यान्न सहयोग गरेको थियो ।
मञ्चका अध्यक्ष उदय ठटालका अनुसार २ नम्बर वडाका विभिन्न टोलका २२ परिबारलाई पदाधिकारीहरुको टोलीले घर घरमा पुगेर खाद्यान्न प्रदान गरेको थियो ।
राहत सामाग्रीमा चामल, दाल, सोयविनतेल, नुन, चिउरा र स्वास्थ्य सामाग्री माक्स प्रदान रहेको छ ।
मञ्चका अध्यक्ष ठटालका अनुसार मनिश तामाङ, श्याम हार्ड वेयर, मधु कुमार राई , शान्ति इन्दु राई लगायतले गरेको आर्थिक सहयोगबाट राहत स्वरुप खाद्यान्न सहयोग गरिएको हो ।