विराटनगर । विराटनगरस्थित विराट नर्सिङ होमले १४ बेडको अत्याधुनिक मोडुलर आईसियु र ११ बेडको न्युरो सर्जिकल आईसियु संचालनमा ल्याएको छ ।
न्याब एक्रिडिटेसनको मापदण्ड पुरा भएको मोडुलर आईसियु प्रदेश १ का आन्तरिक मामिला तथा कानुन मन्त्री हिक्कमत कार्कीले उद्घाटन गरेका छन् ।
यसमा संक्रमणको दर अत्यन्तै न्युन रहने, संक्रामक रोग लागेका बिरामीलाई अन्य बिरामीसँग छुट्याएर राख्न ४ वटा बेड रहेको बताइएको छ ।
बिरामीलाई घरबाटै आफन्तहरुले हेर्न सक्ने गरी कम्प्युटर प्रणाली जडान गरिएकोले आफन्तले स्वास्थ्य अवस्थाबारे सहजै जानकारी लिन सक्ने अस्पतालले जनाएको छ ।
आईसियुका इञ्चार्ज डा. ललित राजवंशीका अनुसार जटिल अवस्थामा बिरामीका आफन्तलाई समेत यस्तो सेवाले निक्कै राहत महशुष हुने बताए । विराट नर्सिङ होममा विभिन्न विभाग गरेर १ सय २ बेडसहितको अत्याधुनिक आईसियु सुविधा उपलब्ध भएको छ ।