_1693980289.gif "#")
इटहरी । दोश्रो भेरियन्ट सहितको कोरोना संक्रमणबाट जोगिन जिल्ला प्रसाशनको कार्यालय सुनसरीले जारी गरेको निषेधाज्ञालाइ बिहीबार देखि खुकुलो बनाउने निर्णय गरिएको छ । बुधबार बसेको ९डिसिसिएमसि०को बैठकले बिहीबारबाट लागु हुनेगरी बिहान १० बजेदेखि दिउसो ३ बजे सम्म खाद्यन्नका पसलहरू खोल्न पाइने जस्ता निर्णयहरू गरेको छ ।
सुनसरीका प्रमुख जिल्ला अधिकारी उमेश प्रशाद ढकालको संयोजकत्वोमा बसेको बैठकले बिहीबारदेखि खाद्यन्नका पसलहरू , किराना पशल , तरकारी , फलफुल पशल बिहान १० बजे देखि दिउसो ३ बजे सम्म खोल्न पाइने निर्णय गरेको हो ।
त्यस्तै माछा मासु र दुध डायरीको हकमा भने बिहान ७ बजे देखि १० बजे सम्म र दिउसो ३ बजे देखि साझ ७ बजे सम्म खोल्न पाइने भएको छ । तरकारी तथा फलफुललाइ डुलाएर घर घर पुर्याउन दिने निर्णय भएको छ ।
यस अघि जेस्ठभर निषेधाज्ञा गर्ने निर्णय भएपनि स्थानीयस्तरमा जनजिवनको अवस्था र संक्रमणदर घटदै गएको प्रति मध्यनजर गरी खाद्यन्न ब्यवसायलाइ सुचारू गरिएको सुनसरीका प्रमुख जिल्ला अधिकारी उमेश प्रशाद ढकालले बताए ।
त्यस्तै असार देखि नै नयाँ शैक्षिक शत्र सुरू हुने हुदा पुस्तक पसलहरू पनि बिहान १० बजे देखि दिउसो ३ बजे सम्म खोल्न पाइने भएको छ । दोश्रो भेरियन्ट सहितको कोरोना संक्रमणको अवस्थालाइ ध्यानमा राख्दै खोलिएका ब्यवसायहरूले अनिवार्य रूपमा स्वास्थ्य प्रोटोकल अपनाएर ब्यवसाय सुचारू गर्न जिल्ला प्रसाशन कार्यालय सुनसरीले अनुरोध गरेको छ ।
