बराहक्षेत्र । कोरोना महामारीमा नागरिकलाई स्वास्थ्य सामग्री अभाव हुन नदिन नेपाली कांग्रेस वराहक्षेत्रले शुरु गरेको अभियानमा फर्मा ल्याबहरुले स्वास्थ्य सामग्री प्रदान गरेका छन् ।
कांग्रेस बराहक्षेत्रले स्थापना गरेको कोरोना भाइरस न्युनिकरण व्यवस्थापन तथा परिचालन समितिलाई कश्यप ऋषि आयुर्वेद, आर्या फार्मा ल्याब र एमटेक फर्मा ल्यावले स्वास्थ्य सामाग्री उपलब्ध गराएको हो ।
नेपाली कांग्रेस सुनसरीका आमन्त्रीत जिल्ला सदस्य समेत रहेका न्यु संगिता मेडिकलका प्रोपाइटर सुरेन्द्र प्रसाद गुप्ताको संयोजनमा कश्यप ऋषिका व्यवस्थापन राजिबकुमार देबले ७५ हजार मुल्य वरावरको सेनिटाइजर र ५ सय पिस माक्स, आर्या फार्मा ल्याबले १ हजार टेवलेट भिटामिन सि र एमटेकले उपलब्ध गराएको १५ सय टेवलेट पारासिटामोल सहित स्वास्थ सामग्री अभियानलाई उपलब्ध गराएको सुरेन्द्र प्रसाद गुप्ताले बताए ।
सामग्री बुधवार गुप्ताले नेपाली कांग्रेस महासमिति सदस्य वावुराम बिष्टलाई हस्तान्तरण गरेका छन् । हस्तान्तरण कार्यक्रममा नेपाली कांग्रेस महासमिति सदस्य अनु गुरुङ, अभियानका संयोजक नेपाली कांग्रेस सुनसरी क्षेत्र नं ४ का सचिव रमेश कार्की, नेपाली कांग्रेस वराहक्षेत्र नगर सहसभापति रत्नबहादुर राउत, नेपाली कांग्रेस वडा नं ६ सहसभापति तुलसी श्रेष्ठ लगाएतको उपस्थित रहेको थियो ।
कोरोना भाइरस न्युनिकरण गर्ने उद्देश्य राखेर गठन गरेको अभियानले प्रभावकारी रुपमा काम गरिरहेकाले निरन्तरताको लागि स्वास्थ्य सामग्री हस्तान्तरण गरिएको सुरेस गुप्ताले बताए । यस अघि पनि उनले दुई पटक गरेर १५ हजार व्यतिगत रुपमा अभियानलाई सहयोग गरेका थिए ।
जेठ ३ गते देखि अभियानले बराहक्षेत्र नगरपालिकाको १ देखि ११ वडामा सक्रमितको घर , सार्वजनिक स्थान र जोखिम क्षेत्र सेनिटाइज गर्दै आएको छ । त्यस्तै क्वारेन्टाइनमा बसेका सक्रमितलाई भेटेर होसला प्रदान, पोष्टिक युक्त खानेकुरा प्रदान, बिरामीहरुको उपचार, अक्सिजनको व्यवस्थासंगै बिपन्न परिवारका लागि निशुल्क एम्बुलेन्सको समेत व्यवस्था गरेको छ ।