अविलम्ब बजेट अधिवेशन आह्वान गर्न भन्दै प्रदेश १ का विपक्षी दलद्वारा प्रदेश प्रमुखको ध्यानाकर्षण

  • जेठ १६, २०७८
  • कोशीपत्र/संवाददाता
alt फाइल तस्वीर

विराटनगर । प्रदेश १ का प्रमुख विपक्षी दलले संविधान सम्मत ढंगले बजेट ल्याउने वातावरण बनाउन भन्दै प्रदेश प्रमुखको ध्यानाकर्षण गरेका छन् । प्रमुख विपक्षी कांग्रेससहित तीन दलले प्रदेश प्रमुख सोमनाथ अधिकारी ‘प्यासी’ संग आइतबार भेटघाट गरी बजेटबारे ध्यानाकर्षण गरेका हुन । प्रदेश सरकारले कोरोनो बाहना बनाएर प्रदेशको बजेट अधिवेशन बोलाउन आलटाल गर्दै पूर्व बजेट छलफलसमत नगर्ने बरु अध्यादेशबाट बजेट ल्याउने तयारी थालेसंगै विपक्षी दलले प्रदेश प्रमुखको ध्यानाकर्षण गरिएको जनाएका छन ।

नेपाली कांग्रेसका नेता राजिव कोइरालाले संविधान र प्रदेश कानुनमा उल्लेख भएअनुसार असार १ गते प्रस्तुत हुने बजेट अगावै सरकारले नीति तथा कार्यक्रम ल्याउनु पर्ने र बजेटमाथि पूर्व छलफल गराउनु पर्ने भएकोले बजेट अधिवेशन डाक्न आग्रह गरे । कोइरालाले भने,“प्रकृयागत ढंगले बजेट आउनु पर्छ भन्ने हाम्रो माग हो ।”

कांग्रेस प्रमुख सचेतक केदार कार्कीले प्रदेश प्रमुखको जिम्मेवारी संविधानको पालना गराउने भएकोले प्रदेशको बजेट असार १ गते प्रदेशसभाबाटै प्रस्तुत हुनुपर्ने बताउँदै आर्थिक नियमावलीअनुसार पूर्व बजेट छलफल नगराई गराउन नमिल्ने भन्दै प्रदेश प्रमुखको ध्यानाकर्षण गराए । भने,“यसबारे प्रदेश प्रमुखबारे ध्यानाकर्षण गराउन चाहन्छौं । प्रदेशको अभिभावकको नाताले पनि प्रदेश प्रमुख कुनै एक दलको मात्र नभई सबै दल र समग्र जनताको प्रतिनिधि हुनुहुन्छ भन्ने हाम्रो विश्वास छ ।”

कार्कीले कोरोना संकटका बेला समस्यामा परेका जनताको उपचार निःशुल्क हुनुपनेमा प्रदेश सरकार हराएको भन्ने नागरिकस्तरमा सन्देश गएको बताए । विपक्षी दलहरु प्रकृयागत ढंगले अघि बढेको भन्दै पहिले सरकारलाई ध्यानाकर्षण गराएको तर यो पटक प्रदेश प्रमुख समक्ष आएको कार्कीले सुनाए । नेकपाका माओवादी केन्द्रका सांसद विजय विश्वासले बजेट सदनबाट आउनु पर्ने आफूहरुको माग रहेको बताउँदै भने,“तर हामीले ध्यानाकर्षण गराउँदा समेत सरकारबाट कुनै रेस्पोन्स नआएकोले अध्यादेशबाट ल्याउने भन्ने सूचना आएको छ ।

यसप्रति प्रदेश प्रमुखले आफ्नो जिम्मेवारी पूरा गर्नुहुन्छ भन्ने आशा छ ।” बजेट अधिवेशन बोलाउन प्रदेश पमुखले सरकार समक्ष आग्रह गर्न विपक्षी दलले सुझाव पनि दिएका छन । जसपा संसदीय दलका नेता जयराम यादवले प्रदेश सरकार जिम्मेवार ढंगले अघि बढ्नु पर्ने बेलामा त्यो नदेखिएको बताए । विपक्षी दलको प्रतिनिधि मण्डलमा कांग्रेस प्रमुख सेचतक सूयर्माराज राई र नेकपा माओवादीका सांसद कुशल लिम्बू पनि सहभागी थिए ।

कोभिड अस्पतालको कुरु ...

धरान । कोभिड १९ अस्पताल बाहिर निर्माण भएको कुरुवा घर वी ...

नेपाल बसोबास बस्ती स ...

धरान/ नेपाल बसोबास बस्ती संरक्षण समाजले विभिन्न दाताहरु ...

प्रदेश १ को बजेटमाथि ...

विराटनगर । प्रदेश १ सरकारले ल्याएको बजेटमाथिको छलफल सम् ...

संसद विघटनपछि विस्ता ...

काठमाडौँ– प्रधानमन्त्री केपी शर्मा ओलीले संसद विघ ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: दिनेश गजमेर / प्रबन्ध निर्देशक: योगेशबाबु काफ्ले

Copyright © 2019 / 2021 - Koshipatra.com All rights reserved