वीपीको कोभिड अस्पतालमा दुई जनाको मृत्यु

धरान । धरान स्थित वीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचार गराइरहेका २ जना कोरोना संक्रमितको मृत्यु भएको छ ।

गत मंगलबार कोभिड अस्पताल भर्ना भएका मोरङको सुन्दरहरैचा १० का ७२ वर्षिय एक वृद्ध र आइतबार भर्ना भएका धनकुटा ४ का ६४ वर्षिय अर्का वृद्धको मृत्यु भएको प्रतिष्ठानका सहप्रवक्ता चुरामणि पोखरेलले जानकारी दिएका छन् ।

सुन्दरहरैचाका वृद्धलाई उच्च रक्तचान सहित मधुमेहको बिरामी थिए । उनलाई गत मंगलबार कोरोना संक्रमण देखिए लगत्तै कोभिड अस्पताल भर्ना भएका थिए ।

त्यस्तै धनकुटाका वृद्धलाई वैशाख २६ गते कोरोना संक्रमण पुष्टि भएको थियो । तर उनी हिजो मात्रै अस्पताल भर्ना भएका थिए । उनलको हिजो रातीनै मृत्यु भएको पोखरेलले बताए ।

मृत्तकको शव व्यवस्थापन मापदण्ड अनुसार गर्ने तयारी भइरहेको पोखरेलको भनाई छ ।