सुनसरीमा एक साता निषेधाज्ञा, बिहान ६ बजे देखि बिहान ११ बजे सम्म मात्रै होटल व्यवसाय खुल्ने

 

धरान । कोरोना संक्रमणको जोखिम बढ्दै गए पछि सुनसरीमा पनि एक साताको लागि निषेधाज्ञा जारी गरेको छ ।

सुनसरी प्रमुख जिल्ला अधिकारी उमेश कुमार ढकालले १७ गते राती १२ बजे देखि २४ गते राती १२ बजे सम्मका लागि निषेधाज्ञा जारी गरिएको जानकारी दिएका छन् । प्रशासनका अनुसार सर्वसाधारणले अत्यावश्यक काम नपरी घर बाट निस्कने नहुँने जनाएको छ । त्यसै गरि सरकारद्वारा तोकिएको सामाजिक दुरी, स्वास्थ्य मापदण्ड अनिवार्य रुपले पालना गर्नुपर्ने भएको छ ।

एकै स्थानमा जम्मा भई भेला, जुलुस, सम्मेलन, छलफल, गोष्ठी गर्न नपाउने पनि भएको छ । त्यस्तै सिनेमा हल, पार्टी प्यालेस, स्वीमिङ पुल, सपिङ मल, मनोरञ्जन स्थल, शैलुन, ब्युटि पार्लर, जिमखाना, समुहमा खेलिने खेलकुद, पुस्तकालय, संग्रहालय, चिडियाखाना संचालन गर्न नपाइने भएको छ ।

स्वास्थ्य सामाग्री सम्बन्धी पसल बाहेक अन्य पसल व्यवसाय विहान ६ बजे देखि विहान ११ बजे सम्म मात्रै संचालन गर्न पाउने भएको छ । त्यसै गरि विवाह तथा व्रतबन्ध गर्दा २५ जना भन्दा बढी भिड गर्न नपाइने भएको छ ।