पर्यटकीय गन्तव्य बन्दै बराहक्षेत्र

  • बैशाख ७, २०७८
  • संगम विष्ट
alt

बराहक्षेत्र / सुबिधा सम्पन होटलहरु सँचालन हुन थाले पछि बराहक्षेत्रमा बाह्य तथा आन्तरिक पर्यटनहरुमा वृद्धि भएको छ । अघिल्ला वर्षहरुको तुलनामा अहिले बराहक्षेत्रवासीको आम्दानी पनि बढेको छ । चतरामा सप्तकोशीमा मोटरेवल पुल, कोसीमा पानी बोट चल्न थालेपछि खानपीनमा खर्च गर्ने रुचाउने मनोरञ्जनात्मक पर्यटकहरुको आगमनमा पनि वृद्धि हुन थालेको छ ।

केही वर्ष अघि सम्म बराहक्षेत्र मन्दिरमा पुजाआर्चना गर्न, मेला पर्वमा आएर नागबेली फोटो बोकेर तस्बिर खिचि धरान तथा इटहरीको होटलमा बस्ने पुग्थे । बराहक्षेत्रका व्यवासायीहरु धार्मिक पर्यटकहरुलाई स्बागत गर्ने र मिठाई बेचेर खुशि हुने गरेका थिए । अहिले पर्यटकहरु बराहक्षेत्रमै बस्न थाले पछि होटल तथा पर्यटन व्यवसायको आम्दानी बढ्दै गएको छ । पकली – रुपनगर सडक खण्ड अन्तरगत निर्माण भएको बैकल्पीक राजमार्गको नाममा सप्तकोशीमा पुल निर्माण भए पछि ‘नयाँ कोशी पुल’ मा पर्यटकहरुको चहल पहल तिब्र हुन थालेको उद्योग बाणिज्य संघ चतराका अध्यक्ष रमेशकुमार बिष्ट बताउँछन् ।

२०७२ सालमा शिल्यानास भएको पुल वरिपरी सुबिधा सम्पन्न होटल संञ्चालन भए पछि सुनसरी आसपास तथा उदयपुरका पर्यटकहरु रमाउने थलो मात्र भएको छैन जमघट गर्ने थलोको रुपमा पनि विकाश हुँदै गएको विष्टको भनाई छ । बराहक्षेत्रको नाम नसुन्ने नेपालमा पर्यटक प्रायः कमै होलान् । बहुसंख्यक हिन्दु तथा ओमकार धर्मावलम्बी रहेको नेपालमा हिन्दु धर्मको महत्वपुर्ण चारधाम मध्ये एक मानिएको बराहक्षेत्र प्रायः नेपालीको आस्थाको केन्द्रनै हो । कोका कौशिकीमा स्नान गरेर भगवान बराहक्षेत्र मन्दिरमा पुजाआर्चना गर्न नेपाल लगायत अन्य मुलुकहरुबाट पनि हिन्दुधर्मावलम्बीहरु बराहक्षेत्र आउने गर्दछन् । पछिल्लो समय धार्मिक पर्यटकहरु सँगै साहसीक तथा मनोेरंजनात्मक पर्यटकीय गन्तव्यको रुपमा समेत बिकास भइरहेको छ । बराहक्षेत्रको चतरा र उदयपुरको बेलकाको कोठुक्षेत्र हाल पर्यटकको हवको रुपमा बिकास भइरहेका छन् ।

नयाँ कोशी पुल स्थित होटल ग्यालेक्सीका संचालक इश्वर गुरुङ्गका अनुसार पुल आसपासका होटलले औषतमा ८ देखि १० लाख रुपैया मासिक कारोबार गर्ने गर्दछन् । पुल वरपर १५ –१६ वटा होटल संचालन भइरहेको छ भन्ने शुक्रबार र शनिबार ३ देखि ४ हजार पर्यटकहरु आउने गरेको उनको भनाई छ । धार्मिक रुपमा प्रख्यात बराहक्षेत्र मन्दिर, कुम्भनगरी चतराधाम, औलिया बाबा जस्ता धार्मिक देवदेवालयहरुको भौतिक तथा विकास निर्माण र प्रचारप्रसारका कारण पछि परिरहेको समयमा बराहक्षेत्रमा भएका प्राकृतिक स्थल र सौन्दर्यताले प्रदेश नं १ का पर्यटकहरुलाई आकर्षित
गरिरहेको छ ।

नेपालको सबै भन्दा ठुलो नदी सप्तकोशीमा पछिल्लो समय जल यातायात आन्तरिक पर्यटकको रोजाई बनी रहेको छ । नेपाली पानीजहाज संञ्चालने सप्तकोशीको महत्वलाई बढाई रहेको छ बन्ने स्थानीय ब्यसायीको आर्य आर्जन पनि बढ्दै गएको छ । समृद्रमा कुद्ने बोट सप्तकोशी नदिमा चल्न थाले पछि छुट्टै मनोरञ्जन सुरु भएको छ । बिदेशी मुलुकका समुद्रमा जस्तै सप्तकोशीको समुद्र सफारीले पर्यटकहरुलाई मनोरञ्जन प्रदान गरेको छ । कोशी पुलको आसपास उदयपुर सुनसरीको बीचमा रिभर फनको मज्जा लिन पाइने छ भने आन्तरीक तथा बाह्य पर्यटकलाई मनोरञ्जन हुने दाबी गरिएको छ ।

साथै आन्तरिक तथा बाह्रय पर्यटन बिकासमा यस कदमले ठुलो योगदान र चिनारीमा टेवा पुग्ने अनुमान गरीएको छ ।
नगरपालिकाकै मुख्य पर्यटकीय क्षेत्रको रुपमा वडा नं १ अग्रपंक्तिमा रहेको छ । वडामा रहेका धार्मिक, सांस्कृतिक, सौन्दर्यात्मक तथा मनोरञ्जनात्मक स्थलको अबलोकन र रमाउन बार्षिक लाखौ पर्यटक आउने गरेका छन् ।

सवै प्रकारका पारखीहरुको तिर्सना मेट्ने गन्तव्यको रुपमा रहेको वडा नं १ लाई पर्यटक हब बनाउन लागि परेको वडाअध्यक्ष सुरेश श्रेष्ठ बताउँछन् ।
वडामा रहेका वराहक्षेत्र मन्दिर, चतराधाम मात्र नभई मनोरञ्जन चाहने पर्यटकहरुको लागि समेत वडा नं १ प्रमुख गन्तव्य हुन सक्ने उनको भनाई छ । सुर्य कुण्ड, चियाबारी जस्ता क्षेत्रमा सडक स्तरिय बनाउन सके भेडेटार, नाम्चे, इलामको सौर्यदय जस्तो बराहक्षेत्रमै रहेको उनले बताए ।

बेलायत कांग्रेसमा मन ...

धरान । पदाधिकारीहरु बिच विवाद बढ्दै गए पछि नेपाली कांग् ...

सुनसरीमा कडाइ , शनिब ...

धरान/  कोरोना सक्रमण नियन्त्रण , उद्धार तथा व्यवस् ...

उर्लाबारी नगरपालिकाम ...

विराटनगर । कोरोना संक्रमित उपचार गर्न मोरङको उर्लाबारी ...

प्रतिष्ठित व्यवसायी ...

काठमाडौं  । मुलुकमा कोरोना संक्रमणको जटिलता दिनप्र ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: दिनेश गजमेर / प्रबन्ध निर्देशक: योगेशबाबु काफ्ले

Copyright © 2019 / 2021 - Koshipatra.com All rights reserved