साढे १२ करोडको तरकारी एक घण्टामा स्वाहा

धनकुटा  भारीमात्रा आएको असिनाका कारण धनकुटाका विभिन्न स्थानमा लगाएको तरकारी बाली नष्ट हुदा कृषकले लगाएको साढे १२ करोड भन्दा बढी तरकारी बालीमा क्षति पु¥याएको छ ।
विहीबार परेको भारी असिनाका कारण जिल्लाको छथर जोरपाटी गाउपालिका, महालक्ष्मी नगरपालिका तथा जिल्लाका विभिन्न स्थानमा क्षति पु¥याउदा सो बराबरको क्षति भएको हो ।
दिउसो साढे चारदेखि साढे पाच अर्थात एक घण्टा परेको असिनाले कृषकले लगाएको आरेकेल मोटर (केराउ) मार्फा (चौडा रायो), माधुरी फुलकोभी लगायतका सब्जी नष्ट भएको हो ।
धनकुटाको सिंधुवा बजारमा सब्जी फर्म खोलेर बसेका मेघराज गुरुङका अनुसार असिनाले कृषकले लगाएको बालीमा ठूलो क्षति पु¥याएको बताए । उनले भने–‘असिनका कारण कृषकले उब्जनी गरेको बाली पूर्ण रुपमा नष्ट गरेको छ, उनीहरुको मेहनत बालुवा पानी सरह भएको छ ।’
उनका अनुसार असिनाले विशेष गरी छथरजोरपार्टी गाउपालिकाको २, ५ र ६ वडामा लगाएको तरकारी खेती पूर्ण रुपमा नष्ट भएको छ भने महालक्ष्मी नगरपालिका वडा १, ८ र ९ मा बढी क्षति पु¥याएको छ । धनकुटाका पत्रकार कविराज घिमिरेले जिल्लाका विभिन्न स्थानमा असिनाका कारण कृषकले ठूलो क्षति व्यहोर्नु परेको बताए । उनले भने–‘एक्कासी आएको असिना लामो समयसम्म पर्दा कृषकले ठूलो क्षति व्यहोर्नु परेको हो । उनका अनुसार काट्न लागेका बाली, टिप्न लागेको तरकारी असिनाले सखापै पारेको बताए ।