इटहरी/ इटहरी उपमहानगरमा १२ वटा खोप केन्द्रहरूमार्पmत् फागुन २३ देखि २७ गतेसम्म कोरोना खोप लगाइने भएको छ ।
वडा नम्बर ६, ७, ८ र ९ का लागि इटहरी अस्पतालमा फागुन २३ देखि २७ गतेसम्म खोप लगाइने छ ।
यस्तै वडा नम्बर २, ३ र ४ को कार्यालय तथा वडा नम्बर ५ को परिवार नियोजन सङ्घमा फागुन २३ र २४ गते खोप लगाउने कार्यतालिका छ । यसैगरी १० देखि १३ नम्बर वडाका लागि खनार स्वास्थ्य चौकीमा फागुन २३ देखि २७ गतेसम्म खोप लगाइने छ ।
वडा नम्बर १० को मनमोहन प्राविमा २५ गते, १७ र १८ वडाका लागि पकली स्वास्थ्य चौकीमा २३ देखि २७ गतेसम्म कोरोनाविरुद्धको खोप लगाइने छ । वडा नम्बर १४ देखि १६ का लागि एकम्बा स्वास्थ्य चौकीमा २३ देखि २७ गतेसम्म, वडा नम्बर १ को हाँसपोसा स्वास्थ्य चौकी भवनमा २३ र २७ गते, वडा नम्बर १९ को पञ्चायत रजत निमाविमा २४ गते र वडा नम्बर २० को महिला असहाय भवन तरहरामा २५ र २६ गते खोप लगाउने कार्यक्रम रहेको इटहरी उपमहानगरपालिकाले जनाएको छ ।
तेस्रो चरणमा ५५ वर्षमाथिका ज्येष्ठ नागरिक, विद्यालयका शिक्षक–कर्मचारी, निजी स्वास्थ्य संस्थाका स्वास्थ्यकर्मी, सार्वजनिक स्वास्थ्य संस्थाका चालक, सहचालक र छुटेका जनप्रतिनिधि र कर्मचारीलाई खोप दिइनेछ । खोप अभियान सफल बनाउन जनप्रतिनिधि, स्वास्थ्यकर्मी, खोप कार्यकर्ता र सरोकारवालाबीच छलफल गरिएको छ ।