_1693980289.gif "#")
सुनसरी/ सुनसरीका विभिन्न क्षेत्रमा रहेर पत्रकारिता गरिरहेका यादव समुदायका पत्रकारहरू संगठिन भएका छन् ।
पेशागत सुरक्षा, अभिव्यक्ति स्वतन्त्रता र नागरिक अधिकारका पक्षमा कलम चलाउने पत्रकारहरूको जिल्ला भेलाले जयकृष्ण यादवको अध्यक्षतामा १३ सदस्यीय यादव पत्रकार समाज गठन गरेको हो । इटहरीको तालतलैयामा भएको यादव पत्रकारहरूको भेलाले जयकृष्णको अध्यक्षतामा गठन गरेको समाजका उपाध्यक्ष आशिषकुमार यादव, सचिवमा दीपेन्द्र यादव, सहसचिवमा पारसमणि यादव र कोषाध्यक्षमा पप्पु यादवलाई चयन गरेको हो ।
त्यसैगरी सदस्यहरूमा सन्तोष यादव, प्रमोद यादव, विनायकप्रसाद यादव, सूर्यनारायण यादव, ममता यादव, उशिका यादव, दिनेश यादव र गणेश यादव चयन भएका छन् । भेलामा पत्रकार महासङ्घ सुनसरीका पूर्वअध्यक्ष राजेश विद्रोही यादवसहितको उपस्थिति थियो ।
शिक्षा र सामाजिक विकासका क्षेत्रमा अध्ययन, अनुसन्धान, प्रकाशन, प्रसारण, बहस तथा पैरवीसहित सबै तहमा गुणस्तरीय शिक्षा, जीवनपर्यन्त सिकाइकोे विकास एवम् विस्तारका लागि आमसञ्चार तथा पत्रकारिताको उच्चतम् सदुपयोग गर्दै छापा, रेडियो, टेलिभिजन, अनलाइनलगायतका सञ्चारमाध्यममा शिक्षा विधामा कार्यरत् पत्रकारहरूको हक, अधिकार संरक्षण तथा क्षमता अभिवृद्धिसमेत गर्न पत्रकारहरूको सहभागितामा सङ्घीयस्तरको यादव पत्रकार समाज गठन गरिएको उपाध्यक्ष आशिषले बताए ।
सुनसरीमा २५ जनाभन्दा बढी यादव पत्रकारहरू स्थानीय तथा राष्ट्रिय मिडियामा कार्यरत छन् ।
