विराटनगर । प्रदेश नं १ का मुख्यमन्त्री शेरधन राईको विवाह यही माघ ११ गते हुने तय भएको छ ।
राईको विवाह संखुवासभाकी युवती ज्याङमु शेर्पासित काठमाडौमा हुने तय भएको हो । उनका परिवार हाल अमेरिकामा बस्दै आएका छन । यही माघ ११ गते विवाह हुने भएको हो ।
मुख्यमन्त्रीका प्रमुख स्वकीय सचिव नवराज राईले दिएको जानकारी अनुसार परिवार तथा आफन्तहरुको सहभागिताबीच काठमाडौमा विवाह हुन लागेको हो । २२ वर्षीया शेर्पा मिस मंगोल २०१८ हुन ।
विद्यार्थी कालदेखि नै राजनीतिमा सक्रिय मुख्यमन्त्री राई भोजपुर निवासी हुन । उनी विद्यार्थी कालमा राष्ट्रियस्तरका भलिबल खेलाडी थिए । राईको विवाहको प्रसंग उठ्दा उनले छिट्टै नै गर्ने जनाउ दिंदै आएका थिए ।
राईले प्रदेश १ का आफन्त, इष्टमित्र, कुटुम्ब, राजनीतिकर्मीलगायतको लागि विराटनगरमा विवाहको उपलक्ष्यमा शुभकामना लिन प्रितिभोज आयोजना गर्ने सचिवालयले जनाएको छ ।
प्रदेश १ को प्रदेशसभा बैठक यही माघ ७ गते सुरु हुँदैछ । मुख्यमन्त्रीविरुद्ध उनकै पार्टी नेकपाका सांसदले अविश्वास प्रस्ताव दर्ता गराएका छन ।