_1693980289.gif "#")
धरान । स्याङ्जाको वालिङ ३ स्थायी घर भएकी मञ्जु क्षेत्रीले गत २०७५ माघ ८ गते झुटो विवरण पेश गरि धरानबाट नागरिकता लिएको खुलेको छ ।
उनले धरान ९ की बासिन्दा बनि झुटि विवरण पेश गरि धरानबाट नागरकिता लिएको खुलेको हो ।
क्षेत्रीलाई नागरिकता दिन सिफारीस गर्ने वडा नम्बर ९का अध्यक्ष रत्न कटवाल विरुद्ध पक्राउ पुर्जि जारी भएको छ भने झुटो विवरण पेश गरि नागरिकता लिने महिला यस अघिनै पक्राउ परिसकेकी छिन् ।
ईलाका प्रहरी कार्यालय धरानका डिएसपी ज्ञानेन्द्र बस्नेतका वडा अध्यक्ष कटवालविरुद्ध जिल्ला अदालत सुनसरीबाट हिजो पक्राउ पुर्जी जारी भएको हो । पक्राउ पुर्जी जारी भएका वडाअध्यक्ष कटवाल भने फरार छन् ।
उनलाई अर्घाखाँचीका गोपाल सेजुवालले बुबा बनेर नागरिकता दिलाएका थिए । उनलाई नागरिकता दिलाउन बुबा बनेर सहयोग गर्ने सेजुवाल हाल जापानमा रहेको खुलेको छ ।
डिएसपी बस्नेतका अनुसार जापानमा रहेका सेजुवालसँग फेसबुकमा चिनजान भएको र छोरी बनेर जापान जाने भनेर धरानबाट नागरिकता निकालेको हालसम्मको प्रहरी अनुसन्धानबाट खुलेको छ ।
स्याङ्जा प्रहरीमै दर्ता भएको मुद्धामा अनुसन्धानको क्रममा नागरिकता धरानबाट झिकेको खुलेपछि स्याङ्जा प्रहरीले पक्राउ परेकी महिलासहित मुद्दा धरान पठाइदिएको हो । धरान प्रहरीले पनि अनुसन्धानको क्रममा ती महिलालाई झुटो विवरण पेश गरेर नागरिकता दिलाएको खुलेको जनाएको छ ।
