_1693980289.gif "#")
धरान । वीपी कोइराला स्वास्थ्य विज्ञान प्रतिष्ठान धरानमा उपचार गराई रहेका लोकगायक सुरेश गन्धर्वको स्वास्थ्यमा सुधार आए पछि घर फर्किएका छन् ।
आर्थिक अवस्था कमजोर भएकै कारण उपचार नपाएर थलिएका गन्धर्व धरानका कलाकार लगायत विभिन्न संघसंस्थाको सहयोगमा प्रतिष्ठानमा उपचारमा रहेका थिए । उनको स्वास्थ्यमा सुधार हुँदै गए पछि उनी घर फर्किएका छन् । उनलाई मङ्सिर ९ गते प्रतिष्ठानको ट्रपिकल वार्डमा उपचारका लागि भर्ना गरिएको थियो ।
उनलाई उपचारका लागि २ लाख ९० हजार रुपैया आर्थिक सहयोग संकलन भएको छ । उनको उपचारका लागि रंगभूमि एकेडेमीका कलाकार विष्णु मोक्तान, युवा नेता चोत्लुङ मेन्याङबो लगायतले सुरेश गन्धर्व सहयोग अभियान समेत गठन गरिएको थियो ।
प्रतिष्ठानमा भर्ना भएको खबर सुनेर उनलाई देश विदेशका नेपालीहरूले सहयोग गर्दै आइरहेका छन् । उनको उपचारका लागि एविसी टेलिभिजनका कृष्ण कँडेलको इन्द्रेणी टिमले ८१ हजार, चलचित्रकर्मी महासंघ १ नं प्रदेशले ५८ हजार ५ सय, ललितकर्मीले ४२ हजार ६ सय ६६, तरुण दल धरानले ११ हजार २ सय ५५, धरान सङ्गीत प्रतिष्ठानले १२ हजार ५ सय १० रुपैयाँ सहयोग गरेको थियो ।
त्यसै गरि मेघा बैङ्क धरानले ४ हजार, १३ नं का वडाध्यक्ष नेत्र काफ्ले ५ हजार ,दीपक घिसिङले ५ हजार, हङकङ नेपाली यूथले १५ हजार ,राजकुमार राईले ५ हजार, नायिका रेखा लिम्बु र मिना सिङगकले ५ हजार सहयोग गरेका थिए । त्यस्तै महिला संञ्जालकी पुर्व अध्यक्ष सबिता राईले १ हजार, संगितकार हेम सुब्बाले २ हजार सहयोग गरेका थिए ।
अन्य कलाकार, चित्रकार, स्थानीय नेता लगायतका व्यक्तिगत रुपमा पनि ५० हजार रुपैया बैङ्कमा खोलिएको खातामा पैसा जम्मा गरी दिएका थिए । धरान उपमहानगरपालिकाका मेयर तिलक राई र उपमेयर मञ्जु भण्डारीले अपतालमै गएर भेटेर सहयोगको प्रतिबद्धता जनाएका थिए ।
