मेचीकी उपप्रमुखको गाडि जलाउने प्रयास

झापा । नेपाल विद्यार्थी संघको कार्यकर्ता बनाउने दुई युवाले मेचीनगर नगरपालिकाकी उपप्रमुख मीना उप्रेती चढेको मे १ झ १७२ नम्बरको गाडी बिहीबार जलाउने प्रयास गरेका छन् ।

दुई जनाको समूहद्वारा गाडीभित्र रहेकी उपप्रमुख उप्रेती चढेको गाडी जलाउने प्रयास भएको हो । बाटो छेकेर गाडीको चक्कामा पेट्रोल छर्किएको उपप्रमुख उप्रेतीले बताईन् ।

चारआलीस्थित नेपाल आयल निगम डिपो कार्यालयको कार्यक्रममा सहभागी भएर नगरपालिका कार्यालय तर्फ फर्किरहेको अवश्थामा अपरान्ह ३ बजेतिर पूर्व पश्चिम राजमार्गको धाइजन र चारआलीबीच खण्डमा बाटो छेकेर उप्रेतीको गाडीमा आगो लगाउने प्रयास भएको हो ।

पेट्रोल छर्किएको चक्कामा सलाई निकालेर आगो लगाउन लागेपछि उपप्रमुखले ड्राइभरलाई जसरी भए पनि छिटो गाडी हुइँक्याउन लगाएकी थिईन् । गाडी हुइँक्याउन खोज्दा समेत उनीहरुले मोटरसाइकल तेस्र्याएर गाडीको बाटो छेकेको उप्रेतीले बताईन् । उनले भनिन्, ‘मलाई गाडीभित्र जिउँदै जलाउने प्रयास भयो, धन्न बाँचे, घटना बारे तत्कालै इलाका प्रहरी कार्यालय काँकरभिट्टामा जानकारी गराएको थिए ।’

उनले आफूलाई कसले आगजनी ग¥यो भन्ने जानकारी नभएको बताइन् । आफू सवार गाडी मोटरसाइकल अगाडि रोकेर राखेका कारण आफूले दुईजनालाई मात्र देखेको उनले बताइन् ।

उपमेयर सवार सवारीमा आगजनी प्रयास भएको घटनाको जानकारी आएपछि अनुसन्धान शुरु गरिएको जिल्ला प्रहरी कार्यालय झापाका डिएसपी राकेश थापाले जानकारी दिए ।

उपमेयरले दिएको हुलियाका आधारमा घटनामा संलग्नहरूको खोजी शुरु गरेको उनले बताए । उनले घटनास्थल एकान्त ठाउँमा भएकाले अनुसन्धान शुरु गरेको बताए ।