सुनसरी । सुनसरीको गढी गाउँपालिका २ औरावनीमा लैगिंक हिंसा बिरुद्धको १६ दिवसीय अभियान अन्र्तगत बालबिवाह बिरुद्ध सचेतना कार्यक्रम सम्पन्न भएको छ ।
शनिबार गढी २ नम्बर वडा कार्यालयको सहयोगमा साझेदारी नेपाल सुनसरीले सचेतना मूलक कार्यक्रम सम्पन्न गरेको हो । गढी गाउँपालिका २ औराबनी र मझौका ५२ जनाबढी सरोकारवालाहरुको सहभागितामा सम्पन्न कार्यक्रममा स्थानीयले बालबिवाह न्यूनीकरणका लागि सचेतना कार्यक्रम आवश्यक रहेको बताएका छन् ।
बालबिवाह ग्रामिण क्षेत्रमा एकपछि अर्को गर्दै तिब्र रुपले बढेकाले त्यसको न्यूनीकरणका लागि सचेतना आवश्यक रहेको वडा कार्यालय औराबनीका वडा सदस्य गुदनसरी ऋषिदेवले बताए । ऋषिदेवले ग्रामिण र त्यसमाथि दलित बिपन्न समुदायमा रुढीवादी परम्परा र संस्कारका कारण बालबिवाह बढेकाले त्यसको न्यूनीकरणमा स्तरीय शिक्षा र सचेतना आवश्यक रहेको बताए ।
समाजसेवी डाक्टर ऋषिदेवले सरकारको ऐन कानुन एकातिर र सामाजिक संरचना अर्केतिर रहेकाले बालबिवाह न्यूनीकरणमा चुनौती रहेको बताए । त्यसैगरी सन्जु ऋषिदेवले समेत बालबिवाह ब्यक्ति परिवार र समाजका लागि समस्याको विषय भएपनि नरोकिएकोमा चिन्ता ब्यक्त गर्दै सामाजिक रुपमै सचेतना आवश्यक रहेको बताए ।
कार्यक्रममा गढी गाउँपालिका २ का वडाध्यक्ष अरुण कुमार चौधरी, सचिव योगराज निरौला, अमिलाल चौधरी, बलराम ऋषिदेव, तारा ऋषिदेव, बिनिता ऋषिदेव, कमली ऋषिदेव लगायतकाले बालबिवाहका असर र यसबाट जोगिने उपायको बारेमा बोलेका थिए । कार्यक्रममा पत्रकार जयकृष्ण यादवले सहजिकरण गरेका थियो भने गणेश यादवले बाल विवाहको असरको बारेमा धारणा राखेका थिए ।