वीपी प्रतिष्ठानमा सप्तरीका ३५ वर्षीय संक्रमित पुरुषको मृत्यु

धरान/ धरान स्थित विपी कोइरला स्वास्थ्य विज्ञान प्रतिष्ठानमा सप्तरीका थप एक संक्रमितको मृत्यु भएको छ ।

प्रतिष्ठानका अनुसार सप्तरी खडक नगरपालिका ३ का ३५ वर्षीय पुरुषको बुधबार ६ः१० मा मृत्यु भएको हो ।

प्रतिष्ठानका प्रवक्ता डा निदेश सापकोटाका अनुसार मृतकको स्वास्थ्यमा समस्या देखिएपछि राजविराज स्थित गजेन्द«नारयण सिंह अस्पतालमा भर्ना भएका उनको उपचारको क्रममा भदौं २८ गते रिपोर्ट पोजेटिभ आएको थियो ।

संक्रमण पुष्टि भए पछि हिजो मंगलबार विपी प्रतिष्ठानको कोभिड उपचार केन्द«मा रेफर गरिएको थियो ।

प्रवक्ता सापकोटाका अनुसार मृतकमा मृगौलाको समस्या रहेको र विगत १ वर्ष देखि हप्तामा २ पटक डायलोसिस गर्ने गरेका थिए ।
उनका अनुसार मृतकको शव नियमअनुसार व्यवस्थापनको तयारी भइरहेको छ ।