बत्तिस जना कोरोना संक्रमित थपिए सँगै सुनसरीमा १२ सय ५५ पुगे

धरान । सुनसरीमा कोरोना संक्रमितको सँख्या १ हजार २ सय ५५ पुगेको छ । आज (मंगलबार) ३२ जना कोरोना संक्रमित थपिए सँगै जिल्लाको कुल संक्रमित १ हजार २ सय ५५ पुगेको छ ।

स्वास्थ्य कार्यालय सुनसरीका कोभिड १९ का फोकल पर्सन तथा पब्लिक हेल्थ नर्स सिर्जना लिङ्थेपका अनुसार सुनसरीमा अहिले सम्म ५ सय ९१ जना डिस्चार्ज भएका छन् भने ७ जनाको मृत्यु भएको छ । जिल्लामा ६ सय ५७ जना सक्रिय संक्रमित रहेका छन् ।
लिङ्थेपका अनुसार मंगलबार झुम्का कारागारका १२ जनामा कोरोना संक्रमण पुष्टि भएको छ भने धरान, दुहबी, इटहरी, इनरुवाका स्थानीयमा कोरोना संक्रमण पुष्टि भएको छ । धरानमा २ महिला ५ पुरुष सहित ७ जना, दुहबीमा २ पुरुष, ७ महिला सहित ९ जना, इटहरीमा ३ जना पुरुष, इनरुवामा १ जना महिला रहेका उनले जानकारी दिइन् ।

केही दिन अघि उपचारको क्रममा कोरोना संक्रमणबाट मृत्यु भएका झुम्का कारागारका पुरुषको सम्पर्कमा रहेकाहरूको ट्रेसिङको क्रममा कोरोना संक्रमण भएको स्वास्थ्य कार्यालय सुनसरीले जनाएको छ ।