विपी प्रतिष्ठानका उपकुलपति डा.गिरीलाई कोरोना संक्रमण

धरान ।धरान स्थित विपी कोइरला स्वास्थ्य विज्ञान प्रतिष्ठानका उपकुलपति डा ज्ञानेन्द« गिरीलाई कोरोना संक्रमण पुष्टि भएको छ ।

गिरीले प्रतिष्ठानको आधिकारीक फेसकबुक पेज मार्फत सोमबार बेलुकी आफ्नो रिपोर्ट पोजेटिभ आएको बताएका हुन् ।

उनले फेसबुक पेजमा मार्फत प्रतिष्ठानको उपकुलपतिका रुपमा जिम्मेवारी निर्वाह गर्ने क्रममा सम्पुर्ण सुरक्षा उपायहरु अपनाउँदा अपनाउँदै साथै दुई हप्ताको अन्तरालमा नियमित परिक्षण गर्दै गर्दा पनि संक्रमण पुष्टि भएको जानकारी गरएका छन् ।

उपकुलपति गिरीले आफुमा कुनै पनि लक्षण नदेखिएकोले हाल आफ्नै निवासमा लक्षणविहिन अवस्थामा आईसोलेसनमा सुरक्षित साथ बसिरहेको र प्रतिष्ठानका दैनिक कार्यहरुका यहीँबाट संचालित हुने र तत्काल आईपर्ने समस्याहरु मेरो सचिवालय मार्फत म सँगको समन्व्यमा आवश्यक कार्यहरु गरिने फेसबुक पेज मार्फत जनाकारी दिएका छन् ।

साथै उनले आफु सग सम्पर्कमा आएका सबैलाई स्वास्थ्य परीक्षण गराउन समेत आग्रह गरेका छन् ।