धरान । कोरोनाको महामारीका बिचमा पनि धरानको वडा नम्बर ३ ले सुरक्षा सामग्री वितरण गर्दै विभिन्न कार्यक्रम सहित २९ औं बालदिवस मनाएको छ ।
वडा कार्यलयमा एक कार्यक्रमको आयोजना गरि सुरक्षासामग्री वितरण गर्नुका साथै उत्कृष्ठ चित्र बनाउने बालबालिकाहरुलाई पुरस्कार समेत वितरण गरेको थियो । वडा नम्बर तिनका वडा सदस्य बिकाश बनेपालिका अनुसार कोभिड १९ को महामारीलाई मध्यनजर गर्दै विद्यार्थीहरुलाई घरमै बसेर चित्र बनाउन आग्रह गरेको थियो ।
बालबालिकाहरुले पठाएका चित्रहरु मध्ये उत्कृष्ठ ५ वटा छानिएका थिए । उत्कृष्ठ पाँच मध्ये प्राति श्रेष्ठको चित्र प्रथम हुदैं नगद दुुई हजार सहित पुरस्कृत भएकी छिन् । त्यसै गरि द्वितीय बिजय तामाङ तृतीय पूजा श्रेष्ठ र सान्तवना आयुष भुजेल, रोजन शाह घोषित भएका थिए । उनिहरुलाई क्रमशः १५सय ,१ हजार, र ५÷५ सयका दरले पुरस्कार वितरण गरिएको थियो ।
दिबसकै अबसरमा कोरोना महामारीको जोखिम न्युनिकरणका लगि १८ जना बालबालिकाहरुलाई सेनिटाइजर र सर्जिकल माक्स वितरण गरिएको थियो । वडाध्यक्ष आशा कुमार श्रेष्ठको सभापतित्वमा भएको कार्यक्रममा वडाका जनप्रतिधि सहित बालकल्बका पदाधिकारीहरुको उपस्थिति रहेको थियो ।
