धरान । खानेपानी बोर्डद्वारा बिस्तार गरिएको धरान १३ स्थित सर्दु खोला मुहानमा रहेको पाइपलाइन र खर्दुको सेडिमेन्ट ट्यांकी बाट ल्याएको खानेपानीको पाइपलाइन खानेपानी संस्थाका प्रमुखको रोहबरमा भत्काइएको छ । फुस्रे सिस्टममा आउने सर्दु र खर्दुको मुहानमा बिछ्याइएको पाइपलाइन भत्काइएको हो । खानेपानी संस्थानको पाइपलाइन आइयुडिपी परियोजनाले बिस्तार गर्दै ठुलो बनाएको थियो । आज मात्रै निर्माण सकिएको पाइपलाइन भत्काइ दिएको परियोजना प्रमुख राजु पोख्रेलले बताए । खानेपानी संस्थानका प्रमुख राम श्रेष्ठको नेतृत्वमा गएको टोलिले तोडफोड गरेको कार्यरत कर्मचारिले जानकारी गराएको पोख्रेलले बताए ।
उनले भने, `आज नै काम सम्पन्न भएको थियो, त्यसलाइ भत्काएको विवरण आएको छ ।´ सार्वजनिक सम्पत्ती तोडफोड गर्ने लाई कडा कार्बाहि गर्न जनप्रतिनिधि हरुले माग गरेका छन् । वडा नम्बर १७ का वडाअध्यक्ष मनोज भट्टराईले राज्यको सम्पत्ती दुरुपयोग गर्नेलाइ कार्बाही गर्नु पर्ने बताए ।
यता धरान उपमहानगरपालिका प्रमुख तिलक राईले खानेपानी संस्थानका प्रमुख राम श्रेष्ठको भनाइ लाई उदृत गर्दै हर्क साम्पाङको समुहले मुहान देखाइ देउ भनेपछी लिएर गएको खुलेको बताए । उनले भने, `राम श्रेष्ठलाई मैले सोधे, हर्क साम्पाङको टोलिले मुहान देखाउनु भनेकाले लिएर गको भने, जसले पनि देखाउ भन्दा लगेर जाने? भन्दै प्रतिप्रश्न गरे ।´ परियोजना प्रमुखलाइ अध्ययन गर्न जिम्मा दिएको ले त्यहा बाट रिपोर्ट आएपछी अघि बढने उनले बताए ।
खानेपानी संस्थानको अनुमती मै आइयुडिपिले पाइपलाइन बिस्तार गरेको उनले बताए । उनले भने, `संस्थानको प्रमुख सहित कर्मचारी र बोर्डमा संस्थानलाइ गाभ्न नहुने भन्दै आन्दोलनमा रहेका हरुले तोडफोड गरेको विवरण आएको छ, क्षतिको पुर्ण विवरण भोलि बिहान स्थलगत अध्ययन पछि थाहा हुन्छ ।´ संस्थानले लामो समय देखि इन्टेक बिस्तारको काममा अबरोध गरेका कारण सम्पन्न हुन सकेको थिएन ।