_1693980289.gif "#")
इलाम / इलाममा पाँच जना सशस्त्र प्रहरीमा कोरोना संक्रमण पोजेटिभ देखिएको छ । साउन ११ गते श्वाव संकलन गरेका १५ जना मध्ये पाँच जनामा संक्रमण पोजेटिभ देखिएको हो । आज देखिएका सबै सदरमुकाम स्थित शसस्त्र प्रहरीको एक नम्बर गणमा कार्यरत शसस्त्र प्रहरी रहेका छन ।
उनिहरुलाई थप उपचारका लागी मोरङको गोठगाउँमा लाने तयारी भईरहेको शसस्त्र प्रहरीको एक नम्बर गणका सुदिर जँग थापाले बताए । पछिल्लो पटक लगातार इलामका सुरक्षा कर्मिमा संक्रमण पोजिटिभ देखिन थालेको छ । यस अघि पनि पाँच जनामा संक्रमण देखि सकिएको छ । आज देखिए सँगै सशस्त्र प्रहरीका १० जना पुगेका छन । सशस्त्र प्रहरीमा साउन ११ गते ५ जनामा कोरोना संक्रमण पुष्टि देखिएसँगै इलाम बजार नियमीत गस्ति भएको छैन । आज देखिएका पाँच जना पनि सेल्फ क्वारेन्टाईनमा रहेको थापाले जानकारी दिए ।
उनले भने अव ४० जनाको रिपोट आउन बाँकि रहेको र थप ४० जनाको पनि श्वाव संकलनको तयारी भईरहेको छ । यसअघि इलामका ३५ जनामा संक्रमण देखिएको थियो । ५ जनामा संक्रमण पुष्टि भएपछि कोरोना संक्रमितको संख्या ४० पुगेको छ ।
