_1693980289.gif "#")
विराटनगर । नेकपा प्रदेश १ की सांसद सरिता थापाले हावा चल्दा र पानी पर्दा बिजुली जाने परिपाटीले उज्यालो प्रदेशको सपना साकार नहुने बताएकी छन् ।
प्रदेशसभाको सोमबारको बैठकमा शुन्य समयमा बोल्दै थापाले भनिन्,“धेरै स्थानमा हावा चल्दा र पानी परेर बिजुली जाने गर्छ । पहाडी क्षेत्रमा पनि समस्या छ ।” उनले सुनसरीको दुहबी प्रसारण लाइनको क्षमता १४ मेघावाटको रहेकोले समस्या भएको बताइन । उनले प्रसारण लाइन विस्तार र क्षमता अभिवृद्धिमा ध्यान दिइनु पर्ने बताइन ।
संखुवासभा, तेह्रथुम र भोजपुरबाट पनि विद्युत उत्पादन राष्ट्रिय प्रसारण लाइनमा जोडिएको तर क्षमता भने नबढाइएको सांसाद थापाले बताइन । भनिन्,”प्रसारण लाइनको क्षमता बढाउनु पर्छ । खासगी बिजुलीको भोल्टेजको समस्याले जनतालाई सास्ती भएको छ । हावा चल्दा र पानी पर्दा पनि लाइन जान्छ । काठ र बाँसका पोल हटाएर पक्की पोल लगाउनु पर्छ ।”
नेपाली कांग्रेसकी सांसद सन्जाकुमारी दनुवारले प्रदेश सरकारले कृषिलाई प्राथमिकता दिएको र सोमबार भूमि व्यवस्था कृषि तथा सहकारी मन्त्री रामबहादुर मगर उदयपुरमा भव्यतासाथ धान दिवस मनाउन गएपनि त्यसक्षेत्रका सांसदलाई भने सहभागी नगराइएको गुनासो गरिन ।
भनिन्,“फोन गरेर आउनु हुन्छ कि भनेर । सबै सांसदलाई लगिएन । आएपछि किन लग्नु भएन मुख टाल्नको लागि नलगिएको जस्तो भयो ।”
