_1693980289.gif "#")
आकाक्षा नेपालले अगुवा महिलाहरुका लागि उद्यमशिलता विकास तालिम प्रदान गरेको छ । बुधबार, सृजनशिल नेपाल धरान ६ को सभा हलमा तालिम सम्पन्न भएको थियो ।
उद्यमी महिलाहरुबाट समृद्ध समाजको विकास गर्न लक्ष्य हासिल गर्न सकिन्छ भन्ने धारणाका साथ तालिम आयोजना गरिएको थियो । सहभागीहरुमा उद्यमशिलता अभिवृद्धि गर्नु तालमको उद्देश्य रहेको थियो । तालिममा उद्यमशिलता र व्यवसायको अवधारणाको बारेमा चर्चा गरिएको थियो ।
उद्यमशिलताले नाम र दाम कमाउन सहयोग गर्दछ त्यसका लागि सृजनशिलतकामको आवश्यकता पर्दछ भन्ने विषयमा छलफल भएको थियो । नयाँ व्यवसाय सृजना, अवशरको विश्लेषण, स्रोत व्यवस्थापन, वजारको खोजी सम्बन्धी विषयमा तालिम केन्द्रित रहेको थियो ।
महिला विकासमा प्रभाव पर्ने मूख्य कुरा सम्पत्ती र निर्णायक तहमा महिलाको पहुच रहेको विषयलाई प्रशिक्षकहरुले जोड दिएका थिए । समाज र परिवारको अभिन्न अंगको रुपमा रहेको महिलाहरुको विकासमा उद्यमशिलता तालमले महत्वपूर्ण प्रभाव पर्ने र महिला भित्र अन्तरनिहित सम्भावना उजागर हुने कुरा आकांक्षा नेपालका अध्यक्ष रत्न राईले बताए ।
तालिममा सहभागि हुदा हरेक कामलाई कसरी उत्पादनमुलक र आयमुलक बनाउन सकिन्छ भनेर तालिमले आफुहरुलाई सोच्न सक्ने बनाएको सृजनशिल नेपालकी सचिव सरस्वती बस्नेतले बताए ।
आफ्नो घर र समुदाय भित्र रहेको अवस्थालाई विश्लेषण गरेर नयाँ व्यवसाय सृजन गर्न आफुहरु प्रेरित रहेको सहभागी राम विष्टले बताए ।
सृजनशिल नेपाल धरान ६ का २५ जना सहभागी भएका थिए ।
तालिमको सहजिकरण मोहन श्रेष्ठ र अर्चना ढकाल र विष्णु बरालले गरेका थिए ।
_Poush 22_1736170149.jpg "#")
_1734253975.jpg "#")
