_1693980289.gif "#")
धरान । दलित समुदायका ज्येष्ठ नागरिकहरुलाई धरानमा एक कार्यक्रमको आयोजना गरि सम्मान गरिएको छ ।
धरान क्षेत्र भित्र रहेका ७५ वर्ष माथिका ज्येष्ठ नागरिकहरुलाई आइतबार सम्मान गरिएको हो । धरान उपमहानगरपालिका अन्र्तगतको दलित विकाश समितीले कार्यक्रम आयोजना गरि ९८ वर्ष सम्म उमेर पुगेका ज्येष्ठ नागरिकलाई सम्मान पत्र सहित लाठि र छाता दिएर सम्मान गरेको हो । धरानका २० वटै वडामा रहेका ५५ जना ज्येष्ठ नागरिकहरुलाई कार्यक्रमकी प्रमुख अतिथी प्रदेश नम्बर १ की प्रदेश सभा सदस्य उमिता बराईली, संयुक्त संघर्ष समिती धरानका संयोजक गंगा कालिकोटे, दलित सेवा संघका केन्द्रिय सल्लाहाकार रमेश गजमेर लगायतले सम्मान गरेका थिए ।
धरान ८ स्थित परियार सेवा समाजको सभाहलमा भएको कार्यक्रममा प्रमुख अतिथी प्रदेश संसद बराइलीले दलित समुदायको आयु कम हुने भएकाले नै ६० वर्षको उमेरमै वृद्धभत्ता दिन थालिएको बताइन् । देशमा भएका परिवर्तनका आन्दोलनहरुमा दलित समुदायका ज्येष्ठ नागरिकहरुको भुमिका महत्वपुर्ण रहे पनि राज्यले सम्मान गर्न नसकेको उनले बताईन् । उनले दलित समुदायको हक अधिकारका लागि एक जुट भएर आन्दोलन गर्न पनि आवश्यक रहेको बताईन् ।
समितीका संयोजक किशोर परियारको सभापतित्वमा भएको सम्मान कार्यक्रम धरान उपमहानगरपालिकाद्वारा लक्षित वर्गलाई विनियोजित बजेट अन्र्तगत कार्यक्रम गरिएको हो । कार्यक्रमको संचालन समितीकी सदस्य सकुन्तला त्रिखत्रीले गरेकी थिईन भने कार्यक्रममा स्वागत मन्तव्य समितीका सदस्य सचिव तारा लाम्गादेले गरेका थिए ।
