थप ५८६ जनामा कोरोना संक्रमण पुष्टि, संक्रमितको संख्या ७ हजार १ सय ७७ पुग्यो

आज थप ५८६ जनामा संक्रमण पुष्टि भएको छ । यो सगै नेपालमा संक्रमितको संख्या ७१७७ पुगेको छ ।

स्वास्थ्य तथा जनसंख्या मन्त्रालयको नियमित प्रेस व्रिफिङको क्रममा मन्त्रालयका प्रवक्ता डा. जागेश्वर गौतमले थप ५८६ जनामा संक्रमण पुष्टि भएको जानकारी दिए ।

प्रवक्ता गौतमका अनुसार थप  १ जना को कोरोना संक्रमणबाट मृत्यु भएको छ । यो सँगै नेपालमा कोरोना संक्रमणबाट मृत्यु हुनेको संख्या २० पुगेको छ ।

४० जना महिला र ५ सय ४६ जना पुरुष रहेका छन् ।  

उनका अनुसार बाकेकी ४६ वर्षिय महिलाको उपचारको क्रममा हिजो मृत्यु भएको र उनको स्वाव परिक्षण गर्दा आज रिपोर्ट पोजिटिभ आएको हो ।

पछिल्लो २४ घण्टामा थप ९ जना संक्रमित निको भएर डिस्चार्ज भएका छन् ।

यो सँगै नेपालमा कुल डिस्र्चाज हुनेको संख्या ११६७ जना पुगेको छ । नेपालमा हालसम्म ७३ जिल्लामा कोरोना संक्रमण पुष्टि भएको छ ।