उद्योग,व्यापार, व्यवसाय,पसल र डिपार्टमेन्ट स्टोरहरु बिहिबारदेखि खुला गर्ने निर्णय

कोरोना महामहारीको कारण सरकारले लकडाउन जारी गरे सँगै बन्द भएका उद्योग,व्यापार, व्यवसाय,पसल र डिपार्टमेन्ट स्टोरहरु सरकारले बिहिबारदेखि खुला गर्ने निर्णय गरेको छ ।

स्वास्थ्य सुरक्षाको मापदण्ड पालना गरेर उद्योग, व्यापार, व्यवसाय, पसलहरु र डिपार्टमेन्ट स्टोर खुला गरिएको सरकारका प्रवक्ता डा.युवराज खतिवडाले जानकारी दिए ।

तर, सपिङ मलहरु भने खुला नहुने उनले प्रष्ट्याए । खाद्य वस्तुको बिक्रीवितरण सहज गर्न खुला गरिएको उनले बताए ।

बुधबार बसेको मन्त्रिपरिषद् बैठकले सबै उद्योग, व्यापार व्यवसाय पसल र डिपार्टमेन्ट स्टोर खुला गर्ने निर्णय गरेको हो ।