काठमाडौं । भारतबाट फर्किएका मानिसहरुलाई लिएर कालिकोटबाट नरनाथ गाउँपालिका जादै गरेको ट्रिपर कर्णालीमा दुर्घटना हुँदा २ जनाको शव भेटिएको छ ।
कालिकोटको दही खोलाबाट ३९ जना मानिस बोकेर जादै गर्दा बुधबार कर्णालीमा ट्रिपर दुर्घटना हुँदा २ जनाको मृत्यु भएको छ भने ४ जना घाइते भएको कर्णाली प्रदेश प्रहरी प्रमुख डिआइजी बसन्त पन्तले जानकारी दिएका छन् । उनका अनुसार २७ जना सम्पर्कमा आएका छन् ।
जिल्लाको नरहरिनाथ गाउँपालिकाबाट रास्कोट नगरपालिकातर्फ गइरहेको ना ८ ख ५१३३ नम्बरको ट्रिपर रास्कोट नगरपालिकाको ¥यागिलमा दुर्घटना भएको प्रहरीले जनाएको छ । दुर्घटनामा ६ जना नदीमा बेपत्ता भएका छन् ।
गम्भीर घाइते चार र सामान्य घाइते पाच जना गरी ९ जनालाई जिल्ला अस्पताल कालिकोट लगिएको छ । २२ जना भने सकुसल छन् । प्रहरीका अनुसार मृतकको सनाखद हुन बाँकी छ । मृतक दुवैजनालाई कर्णाली नदीबाट निकालिएको प्रहरीले जानकारी दिएको छ ।
