काठमाडौं । सरकारले युवा तथा खेलकुद क्षेत्रमा २ अर्ब ३६ करोड विनियोजन गरेको छ । आर्थिक वर्ष २०७७/०७८ को बजेट विनियोजन गर्दै अर्थमन्त्री युवराज खतिवडाले सरकारले खेलकुद क्षेत्रको विकासका तथा विस्तारका लागि बजेट विनियोजन गरेको हो ।
सरकारले विनियोजन गरेको बजेट गत आर्थिक वर्षको भन्दा केही कम हो । सरकारले आर्थिक वर्ष २०७६/७७ का लागि युवा तथा खेलकुद क्षेत्रको विकासका लागि ३ अर्ब ९९ करोड बजेट विजियोजन गरेको थियो ।
यस्तै निर्माणाधीन क्रिकेट मैदानलाई निर्माणलाई पनि निरन्तरता दिएको छ । सरकारले नवौं राष्ट्रिय खेलकुदको लागि छुटाएको बजेट लगायतलाई हेर्ने हो भने यो वर्ष सरकाले खेलकुद क्षेत्रमा अनुमान गरिएको भन्दा कम बजेट विनियोजन गरेको हो ।
