गणतन्त्र दिवसमा मुख्यमन्त्री राईद्वारा शुभाकामना, कोरोना भाइरसको संक्रमणबाट बच्न र सुरक्षित रहन विशेष अपिल

बिराटनगर गणतन्त्र दिबसको अबसरमा प्रदेश १ का मुख्यमन्त्री शेरधन राईले शुभकामना व्यक्त गरेका छन् ।

गणतन्त्र दिवस २०७७ को अवसरमा ज्ञात अज्ञात अमर शहीदहरूप्रति श्रद्धासुमन अर्पण गर्दै स्वदेश तथा विदेशमा रहनुभएका सम्पूर्ण नेपाली दाजुभाइ तथा दिदीबहिनीहरुमा मुख्यमन्त्री राईले शुभकामना व्यक्त गरेका छन् ।

मुख्यमन्त्री राईले भिडियो किल्प जारी गर्दै गण्तन्त्र प्राप्तीको आन्दोलनमा ज्यान गुमाएका शहीदहरु प्रति भावपूर्ण श्रद्घाञ्जली अपर्ण गर्दै सम्पूर्ण ब्यपत्ता योद्धाहरु प्रति सम्मान व्यक्त गरेका छन् । साथै गणतन्त्र प्राप्तिको आन्दोलनका घाइतेहरुको शीघ्र स्वास्थ्य लाभको कामना समेत गरे । उनले गणतन्त्रको आन्दोलनमा आ–आफ्नो ठाउँबाट सहयोग र सद्भाव व्यक्त गर्नुहुने सम्पूर्ण नेपालीमा हार्दिक आभार समेत व्यक्त गरेका हुन् ।

‘मुख्यमन्त्रीको सन्देशमा भनिएको छ, सामन्ती, निरङ्कुश एवं एकात्मक व्यवस्थाको अन्त्य गर्दै देशमा संघीय लोकतान्त्रिक गणतन्त्रको स्थापना भएको १३ वर्ष भएको छ । नेपाली जनताको लामो त्याग र बलिदानको फलस्वरुप आफ्ना जनप्रतिनिधिमार्फत निर्माण भएको नेपालको संविधानबमोजिम स्थानीय, प्रदेश, प्रतिनिधिसभा र राष्ट्रियसभाको ऐतिहासिक महत्वका निर्वाचन सम्पन्न भई मुलुक नयाँ मोडमा अगाडि बढिरहेको छ ।

गणतन्त्र दिवसले सबै नेपालीलाई संघीय लोकतान्त्रिक गणतन्त्रात्मक शासन व्यवस्थाको माध्यमद्वारा राष्ट्रिय एकता कायम गर्दै स्वच्छ, सुखी र समुन्नत प्रदेश निर्माणमा अगाडि बढ्न एवं कोभिड—१९ लाई पराजित गर्न सबैमा उत्प्रेरणा मिलोस् भन्ने शुभकामना व्यक्त गरेका छन् ।

यस वर्ष विश्वभर महामारकिा रपमा फैलिएको कोरोान भाइरसका कारण गणतन्त्र दिबस खुल्ला र भव्यरुपमा आयोजना गरि मनाउन सम्भव नभएको र यस भाइरस बाट बच्न र सुरक्षीत भएर बस्न मुख्यमन्त्री राईले विशेष अपिल समेत गरेका छन् ।