_1693980289.gif "#")
विराटनगर । १ नम्बर प्रदेशको बर्खे अधिवेशनमा सहभागी हुने सबैको स्वाब परीक्षण गर्ने तयारी थालिएको छ ।
प्रदेशसभाको बैठकमा सहभागी हुने सबै सांसद, प्रदेशसभा सचिवालयका कर्मचारी, सुरक्षा प्रबन्धमा खटिने सुरक्षाकर्मी र पत्रकारको थ्रोट स्वाब संकलन गर्ने प्रदेशसभाले तयारी गरेको हो ।
जेठ १४ गतेदेखि प्रदेशसभाको बर्खे अधिवेशन शुरु हुँदैछ । कोरोना भाईरसको परीक्षण गरेर मात्र प्रदेशसभा बैठक संचालन गर्ने तयार भएको प्रदेशसभाका सचिव गोपाल प्रसाद पराजुलीले जानकारी दिएका छन् ।
बैठक शु हुनु अगावै परीक्षण प्रतिवेदन प्राप्त हुने गरी प्रदेश सरकारमार्फत सबैको स्वाब परीक्षणको व्यवस्था गरिएको पराजुलीले बताए । जसअनुसार जेठ ८ गते प्रदेशसभा सचिवालयका कर्मचारी, जेठ ९ र १० गते सांसद तथा नियमित समाचार संकलनमा आउने संसदीय मामिला हेर्ने पत्रकारहरुको थ्रोट स्वाब संकलन तथा परीक्षण हुनेछ । कोरोना पोजेटिभ पाइएमा प्रदेशसभा हलमा प्रवेशमा रोक लगाइने छ ।
१ नम्बर प्रदेशसभामा ९३ जना सांसद, एक सय कर्मचारी, दुई दर्जन सुरक्षाकर्मी, २० भन्दा बढी सांसदहरुका चालक र अंगक्षक छन् । संसदीय मामिला नियमित रिर्पोटिङ गर्ने २० जना पत्रकारहरुको छन् । सबैको स्वाब परीक्षण हुने बताइएको छ ।
बजेट अधिवेशनमा सहभागी हुनेलाई मास्क अनिवार्य गरिएको छ । प्रदेशसभामा सामाजिक दूरी कायम हुने गरी पुराना कुर्सी हटाएर नयाँ राखिएको छ । बैठक स्क्रिनमा लाइभ हेर्नेसमेत प्रबन्ध भएको छ ।
_Poush 22_1736170149.jpg "#")