_1693980289.gif "#")
किरातीहरुको महान पर्व साकेला उभौलीको अवसरमा प्रत्येक वर्ष साकेला सिलि प्रतियोगिताको आयोजना हुने गरेको थियो तर यस वर्ष भने कोरोनाको संक्रमणको जोखिमलाई मध्यनजर गर्दै यस वर्ष प्रतियोगिता नहुने भएको छ ।
वर्षेनी किरात राई योयोख्खा सुनसरीको आयोजनामा साकेला पर्कमा प्रारम्भिक कार्यसमिती स्तरिय साकेला सिलि प्रतियोगिता हुने गरेको थियो तर यस वर्ष लकडाउनका कारण प्रतियोगिता सहित साकेला नाच समेत प्रभावित भएको छ ।
किरात राई यायोक्खा सुनसरीले विज्ञप्ती जारी गर्दै यलम्बर सम्बद ५०८० को अवसरमा भोली वैशाख २५ गते देखी सुरू हुने यस वर्षको पुजा आआफ्नो स्थानमा मनाउनका लागी समेत अनुरोध गरिएको छ भने सोकला सिलि प्रतियोगिता नहुने सुचित गरेको छ । यायोख्खा सुनसरीका अध्यक्ष बलराम राई र सचिव राजेन्द्र राई द्वारा हस्ताक्षरित विज्ञप्तीबाट उक्त सुचना गराइएको छ ।
विगतको वर्षहरूमा साकेला उभौलीको अवसरमा सुनसरीको विभिन्न प्राकाशहरूले साकेला पुजा गरी नाच सुरू गर्ने चलन रहेको छ । नाच करीब १५ दिनसम्म चल्ने र धरान १७ स्थित साकेला पार्कमा सुनसरी भरिको प्राकासको साकेला प्रतियोगिता गरी समापन गर्ने चलन रहेको किराया सदस्य उपेन्द्र चाम्लिङले बताए । राई जातिको साकेला नाचको प्रोत्साहनका लागी प्रतियोगितामा विजयी प्राकासलाई नगद पुरस्कार समेत दिइने गरिएको उनले बताए । यसै अवसरमा सुनसरीको विभिन्न चोकहरूमा साँझको समयमा दैनिक साकेला नाच्ने चलन रहेको छ ।
