_1693980289.gif "#")
धरान । गत वैशाख ३ गते धरान उपमहानगरपालिकाले दोस्रो चरणको राहतका लागि ३ करोड रुपैयाको माग गर्दै प्रदेश सरकारलाई प्रतिवेदन बुझाएको थियो, तर तेस्रो चरणको राहत वितरणको तयारी भइरहँदा पनि माग प्रति प्रदेश सरकारको सम्बोधन हुन सकेको छैन् ।
राहतको माग सहित प्रतिवेदन बुझाएको करिब ३ साता पुग्न लाग्दा पनि प्रदेश सरकारको सम्बोधन हुन नसकेको धरान उपमहानगरपालिकाका प्रमुख तिलक राईले गुनासो गरे ।
उनले भने, ‘लिखित प्रतिवेदन पनि बुझाएको थियो, माग पनि बुझाएका थियौं, त्यसको सम्बोधन हुन सकेको छैन् ।’ त्यही पर्खेर बस्दा ढिलो हुँने भए पछि धरान उपमहानगरपालिकाले नै राहत वितरणको तयारी गरेको उनको भनाई छ ।
धरान उपमहानगरपालिकाले अहिले तेस्रो चरणको राहत वितरण गर्ने तयारी गरिरहेको छ । पहिलो चरणमा १० हजारलाई राहत वितरण गरेकोमा दोस्रो चरणमा २१ हजार पुगेका छन् । प्रमुख राईले भने, ‘२० हजारलाई लक्षित गरेका थियौं तर अहिले बाड्दै जाँदा २१ हजार पुगेको छ, तेस्रो चरणमा अझै थपिन्छ ।’
उपमहानगरपालिकाले तेस्रो चरणको राहत वितरणका लागि २ लाख किलो चामल खरिदको प्रक्रिया अघि बढाइसकेको छ । उनका अनुसार २४ गते भित्र आपुर्ति भइसके पछि २७ गते तिर तेस्रो चरणको राहत वितरण गर्ने तयारी भएको छ ।
लकडाउन लम्बीन सक्ने भएकाले राहतको तयारीमा पनि लागेको उनले बताए ।
लकडाउन लम्बीदै गएकाले धेरै उपभोग्य वस्तुको अभाव हुने भए पनि चामल र दाल मात्रै भए पनि वितरण गरिने तयारीमा रहेको उनको भनाई छ । उनले भने, ‘नुन पर्याप्त छ, तरकारी पनि आपुर्ति भइरहेको छ । त्यसकारणले चामल र दाल वितरण गर्ने कि भन्ने छ । दाल पनि पर्याप्त पाइरहेको छैन् । चामल मात्रै भए पनि बाड्ने भनेका छौं ।’
_Poush 22_1736170149.jpg "#")