ताप्लेजुङगमा आगलागीबाट ७ करोड ६५ लाख बढीको क्षति

धरान /ताप्लेजुङ सदरमुकाम फुङलिङ बजारमा शुक्रबार राती भएको भिषण आगलागीबाट प्रारम्भिक विवरण अनुसार ७ करोड ६५ लाख बढी क्षति पुगेको छ ।

ताप्लेजुङगका प्रमुख जिल्ला अधिकारी डोरेन्द्र निरौलाका अनुसार क्षतिको विवरण संकलन गर्न बनेको समिततिले ७ करोड ६५ लाख ७२ हजार ७ सय रुपैया क्षति भएको प्रारम्भिक विवरण संकलन गरेको बताए ।

विवरण अनुसार संस्थागततर्फ २२ लाख क्षति भएको छ भने व्यक्तिगततर्फ ७ करोड ४३ लाख २५ हजार क्षति पुगेको छ
आगलागीबाट ८ वटा घरमा क्षति पुगेको थियो । ती मध्ये २ वटा पक्की घर थियो भने ६ वटा कच्ची घर हो । आगलागीबाट कुल २९ घर परिवार प्रभावित भएको प्रजिअ निरौलाले बताए ।

 आगलागीबाट प्रभावित बनेका परिवारलाई रेडक्रस सोसाइटी र फुङलिङ नगरपालिकाले आवश्यक राहत पनि वितरण गरेको जिल्ला प्रशासन कार्यालय ताप्लेजुङले जनाएको छ ।

प्रजिअ निरौलाका अनुसार रेडक्रसले २३ घर परिवारलाई आवश्यक ओढ्ने, ओछ्याउने, भाडाकुडालगायतको सामग्री प्रदान गरेको छ भने नगरपालिकाले २२ घरपरिवारलाई आवश्यक खाद्यान्न वितरण गरेको पनि प्रजिअ निरौलाले जानकारी दिए ।

यस्तै, कञ्चनजंघा सामुदायिक सहकारीले आफ्ना ५ सदस्यलाई ३ हजारको दरले नगद विरतण गरेको छ भने ताप्लेजुङ बहुउद्देश्यीय सहकारीले आफ्ना २१ जना सदस्यलाई २ हजारको दरले नगद राहत वितरण गरेका प्रजिअ निरौलाले जानकारी दिए ।
आगो बिहान ५ बजे पुर्णरुपमा नियन्त्रणमा आएको पनि प्रजिअ निरौलाले जानकारी दिए ।