धरान/ धरान उपमहानगरपालिका–४ ढाँडे, तेलनपुरमा अवस्थित कन्या आधारभूत विद्यालय स्थानीय सरकारको प्राथमिकतामा पर्न नसकेको विद्यालय हो। नगरभित्रकै दुर्गम वडामा पर्ने यो विद्यालय अत्यन्तै विपन्न तथा न्यून आय भएका बालबालिकाको शिक्षाको आधार बनेको छ, तर यसको सञ्चालन अझै पनि सहयोगकै भरमा छ। जम्मा २७ जना विद्यार्थी अध्ययनरत यस विद्यालयमा हुने–खाने परिवारका अभिभावक बसाइँसराइ गरेर महँगा निजी विद्यालय रोज्ने प्रवृत्तिका कारण विद्यार्थी संख्या घट्दै गएको छ। सरकारले उपलब्ध गराउने न्यून बजेटले विद्यालय चलाउन कठिनाइ भएपछि विभिन्न संघ–संस्था र व्यक्तिको सहयोग नै मुख्य आधार बनेको छ। हालै,
धरान/ धरान उपमहानगरपालिकाका मेयर हर्क साम्पाङले आज (आइतबार) वडा नं. ११ र १७ का लागि कोका खोलाबाट ल्याइएको नयाँ खानेपानी उद्घाटन गर्नुभएको छ। लामो समयदेखि पानीको समस्या झेलिरहेका धरानवासीका लागि यो अतुलनीय उपलब्धि बनेको छ। मेयर साम्पाङले रिबन काटेर पानीको औपचारिक उद्घाटन गर्नासाथ, पाइपबाट झरझर पानी झर्दा स्थानीय बासिन्दा, जनप्रतिनिधि र श्रमदाताहरूमा खुशीको माहोल सिर्जना भयो। कार्यक्रममा सहभागीहरूले उत्साहका साथ तालि बजाउँदै यस ऐतिहासिक पललाई सम्मान गरे। यो परियोजना जनसहभागिता र श्रमदानकै आधारमा सम्पन्न भएको एउटा उदाहरण बनेको छ। एक स्थानीयले भने, “एडीबीले करोडौं ऋण दिएक
धरान/ पछिल्लो समय नेवारी सँस्कृति काठमाण्डौबाहिर पनि भव्यतासाकाथ मनाउन थालेका छन् । उपत्यकामा मात्र प्रचलित नेवारी समुदायको साँस्कृतिक पर्व गाइजात्रा अहिले कोशी प्रदेशका विभिन्न ठाउँमा सामुहिक रुपमा हुन थालेका छन् ।हरेक वर्ष भाद्र कृष्ण प्रतिपदामा दिन गाईजात्रा पर्व मनाइने प्रचलन छ । अहिले सबै जातजातिले सबैको भाषा र सँस्कृतिलाई समान रुपले हेर्ने प्रचलन पनि बढदै गएको छ । यसैले गर्दा विगतमा काठमाण्डौमात्र सीमित हुने गाइजात्रा कोशी प्रदेशको धरान उपमहानगरपालिकामा समेत सामुहिक रुपमा मनाइएको छ । सिद्धि नेवा परिषद्को प्रांगरणबाट निकालिएको सो पर्वले धरान बजार परिक्रममा गरेको थियो । गाइजा
धरान/ विशेष सूचनाको आधारमा गरिएको प्रहरी कारबाहीमा धरान उपमहानगरपालिका–५ का २४ वर्षीय आशिष राई लागू औषधसहित पक्राउ परेका छन्। इलाका प्रहरी कार्यालय धरान र अस्थायी प्रहरी चौकी बरगाछीबाट खटिएको संयुक्त टोलीले धरान -५ बस्ने दिल बहादुर राईका छोरा आशिष राईको कोठामा खानतलासी गर्दा ट्रामोल ३५९ क्याप्सुल, Dicyclomine HCL २६० ट्याब्लेट र Rerispas-20 का ११९ ट्याब्लेट बरामद गरेको जनाएको छ। बरामद लागू औषधसहित राईलाई नियन्त्रणमा लिएर थप अनुसन्धान भइरहेको प्रहरीले जानकारी दिएको छ।
मोरङ/ पूर्वी नेपालको मोरङ जिल्लामा अवस्थित मिक्लाजुङ गाउँपालिकाको रमिते डाँडा प्राकृतिक सौन्दर्य, अनुपम दृश्यावलोकन र विविध मौसमी अनुभवको कारण पर्यटनको नयाँ गन्तव्यको रूपमा उदाउँदै छ। इलाम, पाँचथर, धनकुटा र मोरङको संगमस्थल मानिने यो स्थानबाट एकैपटक सगरमाथा, कञ्चनजङ्घा सहित १४ वटा हिमशृङ्खलासँगै तराईको सुनौलो फाँट र पहाडी हरियालीको अद्भुत दृश्य देख्न सकिन्छ। लिम्बू भाषामा ‘मिक्लाजुङ’ को अर्थ नै ‘आँखाले धेरै टाढा देख्न सकिने ठाउँ’ हो, जुन यसको भौगोलिक विशेषतालाई स्पष्ट झल्काउँछ। कोशी प्रदेश सरकारले पर्यटन वर्ष २०८२ मनाइरहे पनि रमिते डाँडाको प्रचार–प्रसार भने अझै ओ
धरान । हिविस्कस इङ्लिस वोडिङ स्कुल धरान–१५ मा लाखे नाच प्रदर्शनी सम्पन्न भएको छ ।विद्यार्थीहरुलाई लाखे नाँचको रमाइलो देखाउन र जानकारी दिनको लागि सो प्रर्दशनी गरिएको हो ।नेवार एकता साँस्कृतिक समितिको संयोजनमा लाखे नाच प्रदर्शनी गरीएको स्कुलका निर्देशक गंगाराम राईले जानकारी दिए ।समुदाय भित्रका जाति समुदायको मौलिक संस्कार र सँस्कृतिलाई सामुहिक गर्नको लागि सवै जाति समुदायको मौलिक परम्परा र नाचलाई स्कुलमा प्रदर्शनी गराउने गरीएको निर्देशक राईको भनाई रहेको छ ।लाखे नाच नेवार समुदायमा निकै लोकप्रिय नाचको रुपमा नाच्ने गरीन्छ । यो नाच साउन र भदौ महिनाभरी नाच्ने गरीन्छ ।नेवार समुदायको मौलिक नृत्यको
धरान/ दलीय भागबण्डामा बीपी कोइराला स्वास्थ्य विज्ञान प्रतिष्ठान धरानको उपकुलपति पद नेपाली काँग्रेसको भागमा परेको छ । अव चाडैं रिक्त रहेको प्रतिष्ठिानमा उपकुलपति पुद पुर्ती हुने संकेत देखिएको छ । सरकारले उक्त रिक्त पदमा पुर्ती गर्नको लागि ६ जनाको नाम मध्ये अन्तिम तीन जनाको नाम छनौट गरेपछि अव तीन जना मध्ये एक जना प्रतिष्ठानको उपकुलपति हुने पक्का भएको छ । सिफारिश समितिले आवेदन परेको ६ जना मध्ये अन्तिम ३ जनाको नाम सर्ट लिष्टमा छनौट गरेको छ । सिफारिश समिति निकट स्रोतका अनुसार प्रा.डा.प्रह्लाद कार्की, प्रा.डा.रोहितप्रसाद यादव र प्रा.डा.रामेश कोइराला छनौटमा परेका छन। यसअघि, सर्ट लिष्टमा प्रा.
धरान/ आज श्रावण शुक्ल पूर्णिमाको अवसरमा देशभर रक्षाबन्धन तथा जनै पूर्णिमा पर्व विभिन्न धार्मिक र सांस्कृतिक कार्यक्रमसहित धुमधामका साथ मनाइँदैछ। हिन्दू परम्पराअनुसार आजको दिन ब्राह्मण तथा वैदिक परम्परा पालन गर्ने समुदायले पुरानो जनै फेरेर नयाँ जनै धारण गर्ने गर्छन्। यस अवसरमा पूजापाठ गरेर त्रिपुण्ड धारण गर्ने तथा पवित्र धागो (रक्षासूत्र) बाँध्ने चलन छ। जनै पूर्णिमासँगै आज रक्षाबन्धन पर्व पनि मनाइन्छ, जसमा दिदीबहिनीहरूले आफ्ना दाजुभाइको हातमा रक्षासूत्र बाँधेर दीर्घायु र समृद्धिको कामना गर्छन्। दाजुभाइहरूले बहिनीलाई उपहार र आशिर्वाद दिने प्रचलन छ। नेपालका पहाडी क्षेत्रमा बसोबास गर्ने ता
धरान/ रोटरी क्लब अफ धरान घोपाको २३औं पदस्थापन तथा सपथ ग्रहण कार्यक्रम बुधबार सम्पन्न भएको छ। सुनसरी उद्योग वाणिज्य संघको सभा हलमा वरिष्ठ समाजसेवी सरला कायस्थको प्रमुख आतिथ्यतामा कार्यक्रम सम्पन्न भएको हो। कार्यक्रममा अध्यक्ष बर्ष २०२४/०२५ का गौरवमान श्रेष्ठले स्वागत मन्तव्य राख्नुभयो भने सचिव अतुल श्रेष्ठले गत वर्षको गतिविधि प्रतिवेदन प्रस्तुत गर्नुभयो। रोटरी क्लबका असिस्टेन्ट गभर्नर विनोद अग्रवालले नयाँ बोर्ड सदस्यहरूलाई पद तथा गोपनीयताको सपथ गराउनुभयो। बर्ष २०२५र०२६ का लागि २२ सदस्यीय नयाँ कार्यसमितिमा अध्यक्ष ईश्वर ताम्राकार, आइपिपी गौरवमान श्रेष्ठ, प्रेसिडेन्ट इलेक्ट अलंकार पलिखे,
फिदिम/ पाँचथरको फिदिम नगरपालिका–४ बाट २७ वर्षीय एक युवक आफ्नो पत्नीमाथि बारम्बार जबरजस्ती करणी गरेको आरोपमा प्रहरीले पक्राउ गरेको छ। पीडित महिलाले आफ्नै श्रीमानले मादक पदार्थ सेवन गर्दै, बारम्बार झगडा, कुटपिटका साथै सहमति बिना यौन सम्पर्क गर्ने गरेको भन्दै प्रहरीमा उजुरी दिएकी थिइन्। पीडित र आरोपी पति फिदिम–४ मा डेरामा बस्दै आएका थिए र उनीहरूको अढाई वर्षीया छोरी पनि छ। पीडितका अनुसार पटक–पटक चेतावनी दिए पनि श्रीमानको व्यवहार नबदलेपछि उनले कानुनी प्रक्रिया अघि बढाएकी हुन्। जिल्ला प्रहरी प्रमुख डिएसपी कौशल बुढाथोकीका अनुसार घटनाबारे थप अनुसन्धान जारी छ। मुलुकी अपराध संहिता २
