धरान/ चाैथाे “हाम्रो धरान भेट्रान फुटबल प्रतियोगिता” अन्तर्गत भएको पहिलो सेमिफाइनल खेलमा हाम्रो धरान भेट्रान्सले विराट भेट्रान फुटबल क्लबलाई २–१ गोल अन्तरले पराजित गर्दै फाइनलमा स्थान सुरक्षित गरेको छ।
खेलको पहिलो हाफमा विराट भेट्रान्सका प्रकाश थापाले गोल गर्दै टोलीलाई १–० को अग्रता दिलाएका थिए। तर दोस्रो हाफमा हाम्रो धरान भेट्रान्सका जीवन लिम्बूले शानदार गोल गर्दै खेललाई १–१ को बराबरीमा ल्याए।
खेल सकिन केही समय बाँकी रहँदा धरान भेट्रान्सका पदम राईले निर्णायक गोल गर्दै टोलीलाई २–१ को जित दिलाए। त्यसपछि दुवै टोलीबाट थप गोल हुन नसक्दा हाम्रो धरान भेट्रान्स फाइनल प्रवेश गर्न सफल भयो।
खेलको “प्लेयर अफ द म्याच” धरान भेट्रान्सका जर्सी नम्बर १० का पदम राई घोषित भए। उहाँलाई उक्त पुरस्कार प्राध्यापक श्री उद्वब श्रेष्ठले प्रदान गर्नुभएको थियो।
अब प्रतियोगिताको दोस्रो सेमिफाइनल खेल भोलि धरान भेट्रान्स र पूर्वेली भेट्रान्स, झापाबीच हुने आयोजकले जनाएको छ।
