_1693980289.gif "#")
सुनसरी/ सुनसरीको बराहक्षेत्र नगरपालिका–७, बत्तिस टोलमा प्रहरीले विशेष सूचनाका आधारमा छापा मार्दै ठूलो परिमाणमा लागू औषध बरामद गरेको छ।
आईतबार राति करिब ९ः३५ बजे इलाका प्रहरी कार्यालय महेन्द्रनगरबाट खटिएको टोलीले लागू औषध ओसार–पसार तथा कारोबार भइरहेको भन्ने गोप्य जानकारीका आधारमा गरेको कारबाहीमा एक युवक पक्राउ परेका हुन्।
प्रहरीका अनुसार पर्वत मोदी गाउँपालिका–६ घर भई हाल बराहक्षेत्र–६ का प्रेम तामाङको घरमा बस्दै आएका २७ वर्षीय दिनेश तामाङको चेकजाँच तथा खानतलासी गर्दा TRAMADOL HYDROCHLORIDE CAPSULE I.P. का ९ पत्ता (८७ क्याप्सुल) र SPASPAIN का ९ पत्ता (८८ ट्याब्लेट) फेला परेका छन्।
लागू औषधसहित पक्राउ परेका तामाङलाई नियन्त्रणमा लिएर इलाका प्रहरी कार्यालय महेन्द्रनगरमा ल्याइएको प्रहरीले जनाएको छ। घटनाबारे थप अनुसन्धान जारी छ।
